Jabuuroolu 136:16 - Mandinka Bible

¹⁶ Ali Yaawe tentu, ate le ye a la moolu tambindi keñewuloo* kono la, a la kanu bambaloo be tu la le fo abadaa.

Jabuuroolu 136:16 ပူးပေါင်းရင်းမြစ်များ

5 Musa 8:15

Ate Yaawe le ye ali ñaatonkayaa wo keñewuloo kono, daameŋ silaŋo warata, saa kunamaalu niŋ buntaloolu be siyaariŋ jee. A ye jiyo bondi ali ye naŋ beroo kono wo banku jaaroo to jii te daameŋ.

2 Musa 15:22

Wo to le Musa ye Banisirayilankoolu ñaatonkayaa ka ì bondi Kulunjumbe Baa maafaŋo la ka duŋ Suri Keñewuloo kono. Ì taamata keñewuloo* kono le fo tili saba, bari ì maŋ jiyo je ì ñaa la.

2 Musa 13:18

Wo to le Alla ye moolu ñaatonkayaa ka tambi niŋ keñewuloo* la, ka taa Kulunjumbe Baa maafaŋo la. Banisirayilankoolu bota naŋ Misira, ì ye i paree ka taa keloo la.

Jabuuroolu 77:20

I ye i la moolu kenkeŋ ne komeŋ koorewo, i ye ì la kuwo duŋ Musa niŋ Haaruna le bulu.

5 Musa 8:2

Ali kana ñina Yaawe ali la Alla ye ali ñaatonkayaa ñaameŋ keñewuloo* kono, fo sanji taŋ naani. A ye koleyaa kuu jamaa le laa ali kaŋ ka ali kotobo, fo ali si ali fammajii, aniŋ ka a loŋ fo ali be a la yaamaroolu muta la le.

Yesaya 49:10

Ì te konko la, waraŋ mindoo ye ì muta, sako tiloo si i kandi waraŋ keñewuloo* foñoo si ì mantoora. Nte Alla meŋ ka balafaa soto ì ye, be ì ñaatonkayaa la le, ka ì samba woyoolu to.

Nehemiya 9:19

“Ite balafaa warata le, i maŋ i koo dii ì la keñewuloo* kono. Tawali samasimmaa le tuta tambi la ì ñaato tiloo la, dimbaa samasimmaa ye ì dandaŋ suutoo la, ka maloo dii ì la ì taaraŋ siloo kaŋ.

Nehemiya 9:12

I ka tawali samasimmaa le tambindi ì ñaato tiloo la, aniŋ dimbaa samasimmaa suutoo la, ka maloo dii ì la ì taaraŋ siloo kaŋ.

5 Musa 11:5

Ali ye a loŋ ne fanaa, Yaawe ye meŋ ke ali ye wo keñewuloo* kono fo janniŋ ali be futa la jaŋ.