Jabuuroolu 135:9 - Mandinka Bible

⁹ Ate le ye taamanseeroolu niŋ kaawakuwolu jindi Misira bankoo kaŋ, Firawoona niŋ a la dookuulaalu bee kaŋ.

Jabuuroolu 135:9 ပူးပေါင်းရင်းမြစ်များ

Jabuuroolu 136:15

Bari a ye Firawoona tuunendi wo baa kono le, a niŋ a la kelediŋolu, a la kanu bambaloo be tu la le fo abadaa.

5 Musa 6:22

Ntolu faŋolu ñaalu seedeyaata kaawakuwolu niŋ taamanseeroolu la le, mennu silaŋo warata, Yaawe ye mennu laa Misirankoolu niŋ Firawoona kaŋ, aniŋ a la dookuulaalu.

Kiilaalu 7:36

Musa le ye i bondi Misira. A ye kaawakuwolu niŋ taamanseeroolu ke Misira bankoo kaŋ, Kulunjumbe Baa to, aniŋ keñewuloo kono fo sanji taŋ naani.

Nehemiya 9:10

I ye taamanseeroolu niŋ kaawakuwolu le taamandi Firawoona niŋ a la dookuulaalu kaŋ, ka taa a la bankoo moolu bee, kaatu i ye a je le ko, ì ye m̀ mumuñolu tilimbaliyaa jawuke le. I ye i too darajandi le, fo ka naa bula bii la.

5 Musa 4:34

Alla koteŋ nene maŋ banku bondi banku doo bulu ka ì ke a faŋo taa ti. Bari Yaawe ye wo le ke alitolu ye Misira, a ye a ke ali faŋolu le ñaa koto niŋ kaawakuwolu niŋ taamanseeroolu la, ì naata ke moolu ye masilaŋo ti. A ye ñiŋ ke niŋ a bulu sembemaa baa le la. A ye mantoora kuu jamaa le laa Misirankoolu kaŋ ali ñaa la, a ye ì kelendi saŋarake ali ye.

Jabuuroolu 78:12

Ì mumuñolu ye a je le a ye kaawakuwolu mennu ke Sowani kene fanuŋolu kono, Misira bankoo kaŋ.