Jabuuroolu 135:7 - Mandinka Bible

⁷ Ate le ka tawaloolu ke santo duniyaa daŋolu to, a ka saŋ ŋalasoo ke samaajiyo ye, aduŋ a ka foñoo bondi naŋ a la foñobuŋolu le kono.

Jabuuroolu 135:7 ပူးပေါင်းရင်းမြစ်များ

Yeremiya 10:13

Niŋ a kumata, jii jamaa le ka bumbuŋ saŋ fatoolu kono, a ka tawaloolu wulindi ka bo duniyaa daŋolu bee to. A ka saŋ ŋalasoo niŋ samaajiyo le jindi, a ye foñoo fee naŋ ka bo a la foñobuŋolu kono.

Jakariya 10:1

Ali Yaawe* daani samaajiyo la a waatoo la, ate meŋ ka tawaloolu dadaa. Ali a daani, ate meŋ ka samaajiyo jurumi naŋ ali ye, a ye moo bee la kunkoo fiifeŋolu falindi.

Yeremiya 51:16

Niŋ a kumata, jii jamaa le ka bumbuŋ saŋ fatoolu kono, a ka tawaloolu wulindi ka bo duniyaa daŋolu bee le to. A ka saŋ ŋalasoo niŋ samaajiyo le jindi, a ye foñoo fee naŋ ka bo a la foñobuŋolu kono.

Yohana 3:8

Foñoo ka fee le, a lafita ka taa daameŋ. I ka a kumakaŋo moyi le, bari i maŋ a loŋ, a ka bo naŋ daameŋ waraŋ a ka taa daameŋ. A be moo-wo-moo ye wo ñaa kiliŋo le ñaama, meŋ wuluuta ka bo niŋ Nooroo la.”

Jabuuroolu 148:8

ka taa saŋ ŋalasoo niŋ saŋ beroo, komboo niŋ tawaloolu, aniŋ turubaadoo, mennu ka a la yaamaroolu taamandi, ali a jayi.

Yunusa 1:4

Bituŋ Yaawe ye foño baa wulindi Baa Baa* ñiŋ kono, turubaadoo wulita, fo kuluŋo lafita ka teyi.

Yeremiya 14:22

Banku koteŋ moolu la jalaŋ kenseŋ jumaa le si samaajiyo ke noo? Waraŋ fo saŋ fatoolu si jiyo ke noo ì faŋ ye baŋ? Fo a maŋ ke ite Yaawe, ǹ na Alla le ti? Ŋà ǹ jikoo loo ite le kaŋ, kaatu ite le ka ñiŋ kuwolu bee ke.”

Jabuuroolu 107:25

Kabiriŋ a kumata, turubaadoo wulita, a feeta, a ye fankaasoo jiibaliŋolu wulindi.

Yuuba 5:10

Ate le ka jiyo jindi bankoo kaŋ, ate le ka kunkoolu jiiboŋ.

1 Mansoolu 18:1

Kabiriŋ waati jaŋ tambita, jaa sanji sabanjaŋo kono, Yaawe* la kumoo naata Eliya kaŋ ka a fo a ye ko, “Taa i faŋ yitandi Ahabu la, aduŋ m be sanjoo jindi la bankoo kaŋ ne.”

Jabuuroolu 78:26

A ye foñoo le boyindi ka bo saŋo santo, tilibo kara maafaŋo la. Ka bo niŋ a la semboo la, a ye foñoo bondi naŋ bulubaa kara maafaŋo la le.