Jabuuroolu 135:12 - Mandinka Bible

¹² A ye ì la bankoolu ke keetaafeŋo le ti, a ye ì dii a la moolu Banisirayilankoolu la ka a keetaa.

Jabuuroolu 135:12 ပူးပေါင်းရင်းမြစ်များ

Jabuuroolu 78:55

A ye banku moolu bayi a la moolu ñaato le, a ye ì la bankoo talaa Banisirayilankoolu teema ka ke ì la keetaafeŋo ti, a ye ì la suwolu ke Banisirayila lasiloolu le la suwolu ti.

Yosuwa 12:7

Ñinnu le mu bankoo ñiŋ mansoolu ti, Yosuwa niŋ Banisirayilankoolu ye mennu noo keloo to Yoridani Boloŋo tilijii karoo la, ka bo Baali-Kadu, Libanooni Wulumbaŋo kono, ka taa Halaku Konkoo to meŋ taata fo Seyiri. Yosuwa ye ì la bankoo dii keetaafeŋo ti Banisirayila lasiloolu la, lasili-wo-lasili bee ye a taa soto:

Yosuwa 11:23

Yosuwa ye bankoo ñiŋ bee le taa, komeŋ Yaawe ye a fo Musa ye ñaameŋ. Bituŋ a naata a bee keetalaa, Banisirayila lasiloolu dammaalu teema. Bituŋ keloo naata tenkuŋ bankoo kaŋ.

5 Musa 29:8

Ŋà ì la bankoo taa, ŋà a dii Rubeni lasiloo la, Kadu lasiloo aniŋ Manase lasili talanteemoo ka ke ì la keetaafeŋo ti.

4 Musa 33:54

Ali bankoo ñiŋ talaa niŋ alikuuroo* la, ko ali la kaabiiloolu nankamoo be laariŋ ñaameŋ. Ali ye nii baa dii kafu baa la, ali ye niindiŋo dii kafundiŋo la. Alikuuroo ye meŋ-wo-meŋ dii meŋ na, wo le be ke la a taa ti. Ali a talaa ko ali bonsuŋ lasiloolu be laariŋ ñaameŋ.