Jabuuroolu 133:2 - Mandinka Bible

² Kaatu ka ke kiliŋ ti, wo ka munta le ko, tulu senuŋ* seeralaa, ì ye meŋ boŋ Haaruna kuŋo kaŋ, a borita ka jii a booraa la, ka taa a la dendika baa kaŋo to.

Jabuuroolu 133:2 ပူးပေါင်းရင်းမြစ်များ

3 Musa 8:12

A ye Haaruna toloo ka tulu senuŋo boŋ a kuŋo kaŋ, a ye a moosi a la ka a kerekere piriisiyaa dookuwo ye.

2 Musa 29:7

I si tulu senuŋo* taa, i ye a boŋ a kuŋo kaŋ ka a la tombondiroo yitandi.

Kuma Kotoomaalu 27:9

Karabaanijiyo niŋ cuuraayoo ka niyo seewondi le, teeriyaa fanaa diyaa mu ñoo yaamaroo le ti.

2 Musa 39:24

Ì ye roomaani* yiridiŋ muluŋolu le ke kotondaŋ dendikoo duumoo dandaŋo la, ka bo niŋ juluboora buluuriŋo la, wuluyeloo, wuleeriŋo, aniŋ koyimaa.

Yohana 12:3

Bituŋ Mariyaama ye karabaanijii kaboo taa. Ñiŋ karabaanijii daa koleŋo dadaata ka bo naride suloo le la, aduŋ a hapoo sutiyaata liitari talantewo ñoŋ ne la. A ye a maa Yeesu siŋolu la, aduŋ a ye a siŋolu fita niŋ a kuntiñoo la. Bituŋ buŋo faata niŋ karabaanijii seeroo la.

Suukuwo 1:3

I la tulu seeralaa diyaata ñaameŋ! I too janjanta ko karabaanijiyo meŋ bonta, wo le ye a tinna sunkutoolu ye i kanu.

Jabuuroolu 141:5

Niŋ moo tilindiŋo le ye m busa, wo mu m fee konotodiyaa le ti. A la n jalayoo, wo mu tulu seeralaa le ti n kuŋo to, a te ke la m fee kasi ti. Bari n ka duwaa le kuruŋolu la kuruŋyaa ye daŋ.

2 Musa 28:33

I si feŋ muruŋ-murundiŋolu dadaa komeŋ roomaani* yiridiŋolu, ka bo niŋ juluboora buluuriŋo la, wuluyeloo, aniŋ wuleeriŋo, sani talaŋolu ye tara ì teema.

2 Musa 30:35

i ye seerandi feŋ diimaa dadaa ka bo ì la, ko a noolaa ka a dadaa ñaameŋ. I si koo lafaa, a ye foroyaa, aniŋ a ye seneyaa.