Jabuuroolu 133:1 - Mandinka Bible

¹ Ñaaboo kuwo le mu, seewoo kuwo le mu, niŋ baadimmaalu tarata baluuriŋ kambeŋo kono.

Jabuuroolu 133:1 ပူးပေါင်းရင်းမြစ်များ

1 Pita 3:8

Labaŋo la, ali bee si ke kaŋ kiliŋ ti, aniŋ ŋaniya kiliŋ. Ali baadiŋyaa kanoo soto ñoo ye, balafaa, aniŋ fammajiyo.

1 Korintinkoolu 1:10

Baadiŋolu, ŋa ali daani m̀ Maarii Yeesu Kiristu too la ko, ali bee si ke kiliŋ ti. Kannawaaliyo kana tara ali teema, bari ali si ke hakili kiliŋ ti, aniŋ ŋaniya kiliŋ.

Yohana 13:35

Niŋ ali ye kanoo soto ñoo ye, moolu bee be a loŋ na le ko, alitolu mu n na saayiboolu le ti.”

Hiburunkoolu 13:1

Ali tenteŋ ka ñoo kanu, ko ali la baadiŋyaa hakoo be ñaameŋ.

Yohana 17:21

N ka duwaa ì ye le fo ì bee si ke kiliŋ ti. M Faamaa, ite be nte kono le, ko nte be ite kono ñaameŋ. Wo to itolu fanaa si ke kiliŋ ti ntolu kono fo duniyaa si laa ko, ite le ye n kii.

Yeremiya 32:39

M be ì ke la sondome kiliŋ ne ti, aniŋ ka tara sila kiliŋ, fo n ñaasilaŋo si tara ì kono fo abadaa. Wo be ke la ì faŋolu la nafaa le ti, aniŋ ì koomalankoolu la nafaa.

1 Musa 13:8

Wo to le Iburama naata a fo Luuti ye ko, “Sonkoo maŋ ñaŋ na tara la nte niŋ ite teema, aduŋ a maŋ ñaŋ na tara la ǹ na kantarilaalu fanaalu teema. Ntolu le mu baadimmaalu ti.

1 Musa 45:24

Kabiriŋ a taata a faadiŋolu bondi ka taa, a ko ì ye ko, “Ali kana sonka siloo kaŋ!”

Yesaya 11:6

A la waatoo la, suluwo niŋ saajiiriŋo be sabati la ñoo kaŋ ne, soloo niŋ baariŋo ye tara laariŋ dulaa kiliŋ. Ninsiriŋo niŋ jatoo be domoroo ke la ñoo kaŋ ne, dindiŋ mereŋo ye ì kenkeŋ.

Jabuuroolu 131:1

Yaawe*, faŋ wara te n sondomoo kono, aduŋ m maŋ ke kufaŋ moo ti. M buka m faŋ bula kuu baa kewo la, waraŋ kuwolu mennu kaawakuuyaata m fee.

Yesaya 11:13

Efurayimu* la kiiliyaa maañaa be yeemaŋ na le, aduŋ Yahuuda la jarinteeyaa be daŋ na. Banisirayila te kiiliyaa tiliŋ na Yahuuda la, sako Yahuuda si jarinteeyaa tiliŋ Banisirayila la.

Jabuuroolu 122:1

N seewoota le kabiriŋ ì ko n ye ko, “Ali ŋà taa Yaawe* la buŋo to.”

Yesaya 11:9

Feŋ te tara la Alla la konko senuŋo* kaŋ, meŋ si moo mantoora, waraŋ ka moo kasaara, kaatu duniyaa bee be faa la moolu le la, mennu ye Yaawe loŋ, ko baa ka tara faariŋ jiyo la ñaameŋ.

Jabuuroolu 124:1

Niŋ Yaawe* maŋ tara nuŋ ntolu la karoo la, Banisirayilankoolu, ali a fo,

Maaka 3:25

Aduŋ niŋ dimbaayaa talaata fula ti ka ñoo kele, wo dimbaayaa te loo noo la.