Jabuuroolu 132:9 - Mandinka Bible

⁹ Allamaa tiliŋo dendikamaa ye tara dundiŋ i la piriisoolu* la, aduŋ i la moo tilindiŋolu si wuuri seewoo kamma la.

Jabuuroolu 132:9 ပူးပေါင်းရင်းမြစ်များ

Yuuba 29:14

Tooñaa dendikamaa le ka tara dundiŋ n na, aniŋ tiliŋo warambamaa niŋ a naafamaa.

Lankenemoo 19:8

Fulaari ñiimaa diita a la ka a duŋ, meŋ be seneyaariŋ, a be koyiriŋ ko perekaanoo.” Wo fulaari ñiimaa mu moo senuŋolu la kebaara tilindiŋolu le ti.

1 Pita 5:5

Wo ñaa kiliŋo la, alitolu fondinkewolu, ali soŋ alifaalu ma. Ali ye i fammajii ñoo ye. Ali bee si wo fammajiyo duŋ ali la feetoofatoo ti, kaatu “Alla ka balaŋ faŋ wara moolu ma le, bari moolu mennu ye i fammajii, a ka hiina wolu ma le.”

Jakariya 9:9

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

Yesaya 61:10

Yaawe la kuwo seewoo tambita n kunna le, n niyo laata n na Alla la karoo la le. Kaatu a ye kiisoo dendikamaa le duŋ n na, a ye tiliŋo warambamaa duŋ n na, ko maañootiyo ka i paree ñaameŋ, aniŋ ko maañoo ka a faŋo ñiiñandi a la ñaroolu la ñaameŋ.

Jabuuroolu 132:16

M be kiisoo dendikamaa le duŋ na a la piriisoolu la, aduŋ a la moo tilindiŋolu be tu la wuuroo niŋ seewoo le la.

Jabuuroolu 104:1

Nte niyo be Yaawe* jayi la le. Hee Yaawe n na Alla, ite warata baake le. I ye horomoo niŋ waroo duŋ ne ko dendikoo.

Jabuuroolu 93:1

Yaawe* le mu Mansa ti, a ye semboo niŋ waroo duŋ ne ko mansa dendikoo. A ye duniyaa londi le a bambanta kat, a te wutu la a noo to muk.

Roomankoolu 13:14

Wo noo to ali Maarii Yeesu Kiristu* duŋ ko sitifeŋo, aduŋ ali kana bula ali la hadamadiŋyaa hame kuwolu nooma ka ali faŋolu seewondi ì la.

Sefaniya 3:14

Dimmusuriŋ* Siyoni*, denkiloo laa, Banisirayila, sari santo. Dimmusuriŋ Yerusalaamu, kontaani i ye i faŋ niyo seewondi.

Yesaya 65:14

N na dookuulaalu nii seewooriŋo le be suukuwo laa la, bari alitolu nii toorariŋo le be woosii la, jikilateyoo ye a tinna ali ka tu kumboo la.

Jabuuroolu 149:5

Alla la lannamoolu ye seewoo a la horomoo la, ì si suukuwo laa ì laadulaalu to, seewoo kamma la.

Jabuuroolu 70:4

Allamaa moolu mennu bee ka i ñiniŋ, ì ye seewoo aniŋ ì ye jusulaa. Moolu mennu be ñaaniriŋ kiisoo la i bulu, Allamaa ì ye tu la a fo la ko, “Alla warata le.”

Jabuuroolu 68:3

Bari Allamaa moo tilindiŋolu ye jusulaa aniŋ ka seewoo Alla ñaatiliŋo la. Allamaa ì ye kontaani burayi.

Jabuuroolu 47:1

Duniyaa moolu, ali buloo kosi ka ali la seewoo yitandi. Ali Alla jayi kendeke.

Kiitindirilaalu 5:31

Hee Yaawe, Allamaa i jawoolu bee halaki la teŋ. Bari Allamaa i kanulaalu bee ke la komeŋ tiloo, niŋ a be mala kaŋ semboo la. Bituŋ tenkuŋo naata sabati bankoo kaŋ fo sanji taŋ naani.

2 Taarika 6:41

“Yaawe Alla, saayiŋ wuli, i ye duŋ i la sabatidulaa to, i niŋ i la Kambeŋ Kunewo, i semboo taamanseeroo. Yaawe, kiisoo dendikamaa ye tara dundiŋ i la piriisoolu* la, i la moo senuŋolu ye seewoo i la beteyaa kamma la.