Jabuuroolu 132:17 - Mandinka Bible

¹⁷ “M be Dawuda koomalankoolu semboo lafaakuu la jee le. M be n na tomboŋ moo la mansayaa lampoo tu la malariŋ ne.

Jabuuroolu 132:17 ပူးပေါင်းရင်းမြစ်များ

Luka 1:69

A ye Kiisandirilaa sembemaa baa le dii ǹ na, ka bo a la dookuulaa Dawuda la lasiloo kono,

Esekiyeli 29:21

“Wo luŋo la, m be n na moolu Banisirayilankoolu bambandi la le kotenke, aduŋ m be semboo dii la ite Esekiyeli la le kotenke ka diyaamu. Niŋ wo keta, ì be a loŋ na le ko, nte le mu Yaawe ti, ì Maariyo.”

2 Taarika 21:7

Bari Yaawe maŋ lafi ka Dawuda la dimbaayaa kasaara, kambeŋo la kuwo kamma, a niŋ Dawuda ye meŋ siti. Kaatu a ye laahidoo dii Dawuda la le ko, a be a niŋ a koomalankoolu la mansayaa lampoo tu la mala la le fo abadaa.

1 Mansoolu 11:36

M be a dinkewo tu la le a ye lasili kiliŋ mara. Niŋ wo keta, n na dookuulaa Dawuda koomoo la maraloo te dubeŋ na n ñaa koto Yerusalaamu, ŋa saatewo meŋ tomboŋ ŋa n too ke jee ka ke m batudulaa ti.

1 Mansoolu 15:4

Bari wo ñaa-wo-ñaa, Dawuda la kuwo kamma la Yaawe, a la Alla ye a la maraloo lampoo tu mala la Yerusalaamu kono le. A ye ñiŋ ke le ka bo niŋ a dinkewo la a ye meŋ wulindi ka sii a noo to, aniŋ ka Yerusalaamu bambandi.

Jabuuroolu 148:14

A ye semboo dii a la moo tilindiŋolu la le, meŋ keta a la moolu ye horomoo ti, wo le mu Banisirayilankoolu ti, mennu sutiyaata a la. Ali Yaawe jayi.

Jabuuroolu 92:10

Bari i ye nte semboo warandi le komeŋ tuuraa. I ye tulu senuŋo* le boŋ n kaŋ ka n ke i taa ti.

2 Mansoolu 8:19

Bari Yaawe maŋ paree ka Yahuuda moolu kasaara, a la dookuulaa Dawuda la kuwo kamma la. Kaatu a ye laahidoo dii Dawuda la le ko, a be a niŋ a koomalankoolu la mansayaa lampoo tu la mala la le fo abadaa.

1 Samuweli 2:10

Moolu mennu ye Yaawe soosoo, wolu be kasaara la le. A be sari la ì kaŋ ne ko saŋ feteŋo ka bo saŋo kono ñaameŋ. Yaawe be duniyaa bee kiitindi la le. A be semboo dii la a la mansa la le. A be a la tomboŋ moo la dawuloo wulindi la le.

Jabuuroolu 89:25

M be a tinna le a buloo ye tara fankaasoo fannaalu kaŋ, a bulubaa buloo ye tara boloŋolu kaŋ.