Jabuuroolu 131:1 - Mandinka Bible

¹ Yaawe*, faŋ wara te n sondomoo kono, aduŋ m maŋ ke kufaŋ moo ti. M buka m faŋ bula kuu baa kewo la, waraŋ kuwolu mennu kaawakuuyaata m fee.

Jabuuroolu 131:1 ပူးပေါင်းရင်းမြစ်များ

Roomankoolu 12:16

Ali ke ŋaniya kiliŋ ti ñoo ye. Ali kana faŋ waroo soto, bari ali niŋ moolu si kafuñooyaa mennu maŋ ì faŋ siyaa moo ti. Ali kana a miira ko, alitolu le ñaamenta.

Jabuuroolu 139:6

I ye loŋo meŋ ke n na, a kaawakuuyaata m fee le, a tambita n kunna le, n na fahaamuroo maŋ futa a ma.

Yuuba 42:3

I ye n ñininkaa n haañita ñaameŋ ka i la natoo ñininkaa, nte meŋ maŋ londi soto. Ŋa kumoolu le fo, m maŋ mennu fahaamu, kaawakuwolu mennu tambita n na londoo la.

Yeremiya 45:5

Wo to fo ite ñanta le ka kuwolu ñiniŋ i faŋo ye, mennu warata? Kana wolu ñiniŋ. Kaatu ko, m be kasaaroo le naati la moo bee kaŋ. Bari i taata daa-wo-daa, m be a je la le ko, i niyo, wo ye kana.” Yaawe le ye a fo.

Jabuuroolu 101:5

Moo meŋ ka a ñoŋ moo too kullootoo tiñaa, m be wo kasaara la le. N niŋ kufannaa niŋ faŋ waralaa te sii noo la.

Jabuuroolu 124:1

Niŋ Yaawe* maŋ tara nuŋ ntolu la karoo la, Banisirayilankoolu, ali a fo,

Jabuuroolu 122:1

N seewoota le kabiriŋ ì ko n ye ko, “Ali ŋà taa Yaawe* la buŋo to.”

4 Musa 12:3

Musa mu fammajiilaa baa le ti. A ye a faŋ jii le ka tambi moo-wo-moo la ñiŋ duniyaa kono.

Matiyu 11:29

Ali n na yookoo* duni aniŋ ali kuwolu karaŋ m bulu, kaatu ŋa tenkuŋo niŋ fammajiyo soto n sondomoo kono le, aduŋ ali niyolu be dahaa la le.

Jabuuroolu 133:1

Ñaaboo kuwo le mu, seewoo kuwo le mu, niŋ baadimmaalu tarata baluuriŋ kambeŋo kono.

1 Samuweli 18:23

Ì ye ñiŋ kumoolu seyinkaŋ Dawuda ye, bari Dawuda ko, “Fo ali ye a miira le ko, kuu feemaa le mu ka ke mansa bitankewo ti? Nte mu fuwaaroo doroŋ ne ti, aduŋ moo jamaa maŋ n loŋ.”

1 Samuweli 16:22

Sawulu ye kiilaa kii Yese ye ko, “Ŋa Dawuda kanu le. A ye sabati jaŋ ka n na dookuwo ke.”

1 Samuweli 16:18

A la dookuulaa kiliŋ ye a jaabi ko, “Ŋa Yese dinkewo je le, meŋ be Betilehemu. Wo ye a loŋ ne, ì ka kontiŋo kosi ñaameŋ. Kee fatiŋo le mu, aduŋ kelelaa le fanaa mu. A ye diyaamoo noo baake le, kee ñiimaa le mu a ti. Aduŋ Yaawe be a fee le.”

1 Samuweli 16:13

Bituŋ Samuweli ye binoo sika, a ye tuloo boŋ a kuŋo to a kotoolu ñaa la. Ka bo wo luŋo la, Yaawe la Nooroo jiita Dawuda kaŋ niŋ semboo la. Bituŋ Samuweli taata Rama.

5 Musa 17:20

A maŋ ñaŋ na a faŋ fisiyandi la a baadiŋ Banisirayilanka koteŋolu ti, aduŋ a maŋ ñaŋ na jenke la Yaawe la Luwaa la. Wo to le a be mee la mansayaa la, aduŋ a koomalankoolu fanaa si mee mansayaa la Banisirayila.

Roomankoolu 11:33

“Tooñaa, Alla la fankoo warata le, a la ñaameŋo niŋ londoo! Moo buka a la kiitiyolu kisikisi noo, a la siloolu buka loŋ noo.”

Kiilaalu 20:19

N ka Maariyo batu niŋ fammajii baa la, aniŋ ñaajiyo. N ka a batu bataa kuwolu le bee kono, mennu boyita n kaŋ ka bo niŋ Yahuudoolu la feeroolu la.

Yeremiya 17:16

Nte maŋ bori ka bo ke la i la kantarilaa ti ì kunna, aduŋ i ye a loŋ ne m maŋ luŋ jawu ŋaniya ì ye. Kumoo meŋ bota n daa, a bee be laariŋ i ñaa koto le.

1 Samuweli 17:15

bari Dawuda ka taa niŋ naa le ke Sawulu yaa, kaatu a ka taa a faamaa la saajiyolu le kanta Betilehemu.

1 Tesalonikankoolu 2:10

Alitolu niŋ Alla le mu seedoolu ti, ǹ ka maa ñaameŋ alitolu Yeesu noomalankoolu kono, ǹ jankuta aniŋ ǹ tilinta ñaameŋ, aduŋ m̀ maŋ sootaaroo soto ali kono.

2 Samuweli 6:22

M be naa dooyaaroo lafaa kuu la le, aduŋ m be m fammajii la le. Bari ñiŋ joŋ sunkutoolu, i ka mennu la kumoo fo, wolu be n horoma la le.”

Kuma Kotoomaalu 21:4

Faŋ wara mooyaa aniŋ sisi wulindoo mu moo jawoolu le taa ti, ka ke ì ye junuboo ti.