Jabuuroolu 130:5 - Mandinka Bible

⁵ M be n yillaariŋ baake Yaawe la maakoyiroo la le, aduŋ n laata a la kumoo la le.

Jabuuroolu 130:5 ပူးပေါင်းရင်းမြစ်များ

Jabuuroolu 33:20

Ntolu ye ǹ jikoo loo Yaawe le kaŋ. Ate le mu m̀ maakoyilaa ti, aniŋ ǹ tankandilaa.

Yesaya 30:18

Hani wo, Yaawe be hameriŋ ne ka hiina ali ma, a pareeta le ka balafaa yitandi ali la, kaatu Yaawe mu Alla le ti meŋ tilinta. Seewoo be moolu le ye mennu ka ì jikoo loo a kaŋ.

Jabuuroolu 119:81

N ñaanita i la kiisandiroo la le fo n korita. Ŋa n jikoo loo i la kumoo le kaŋ.

Jabuuroolu 62:5

N niyo si dahaa soto Alla doroŋ ne fee, kaatu n jikoo be ate le kaŋ.

Jabuuroolu 62:1

N niyo la dahaa be Alla doroŋ ne fee, n na tankoo be bo la ate le bulu.

Jabuuroolu 40:1

N tarata Yaawe* la maakoyiroo batu kaŋ muñoo kono le. A ye a tuloo loo n na, aduŋ a ye n kumboo kaŋo moyi le.

Jabuuroolu 27:14

I lamoyi Yaawe ma. I si bambaŋ, i ye fatiyaa, aduŋ i si i lamoyi Yaawe ma.

Yesaya 8:17

Yaawe ye a ñaa kaasi Yaakuba koomalankoolu la le. Bari m be a batu la le. M be n jikoo sembe la a la le.

Jabuuroolu 119:74

Moolu mennu ye i kuliyaa, niŋ ì ye n je, ì be seewoo la le, kaatu ŋa jikoo soto i la laahidoolu to le.

Jabuuroolu 119:114

I mu n ye maabodulaa le ti, aniŋ tankaraŋ koteeroo*. Ŋa jikoo soto i la laahidoo to le.

1 Musa 49:18

Yaawe*, m Maarii, m be lamoyiri ke kaŋ i la tankoo le la.

Jabuuroolu 119:49

I miira i la laahidoo la, i ye meŋ dii nte la, i la dookuulaa, meŋ ye a tinna ŋa jikoo soto.

Yesaya 26:8

Hee Maariyo, i la kuwo ye ǹ loo le, ka bula i la yaamaroo nooma. Ŋà ite le too horoma, ǹ sondomoo be hameriŋ ne ka i too jayi.

Jabuuroolu 119:42

Wo le to n si moolu jaabi noo mennu ka n neŋ, kaatu n laata i la kumoolu la le.

Hiburunkoolu 6:18

A ye wo ke le, fo ǹ si sabarindi baa soto ka bo ñiŋ kuu fuloo la, laahidoo niŋ kaloo, mennu buka yelema. Alla la ñiŋ kumoo te ke la noo faniyaa ti. Wo kamma la ntolu mennu naata tankadulaa soto ate fee, ǹ si wakiiloo soto ka wo jikoo muta m̀ bulu fuloo la, a ye meŋ landi ǹ ñaatiliŋo la.

Luka 2:38

Wo waati kiliŋo le la, a fanaa futata jee. A ye Alla tentu, aduŋ a ye deenaanoo la kuwo fo moolu bee ye, mennu be Yerusalaamu la kiisoo batu kaŋ nuŋ.

Luka 2:25

Kewo doo le tarata Yerusalaamu, ì ka a fo meŋ ye Simeyon. Ñiŋ kewo tilinta le, aduŋ a ye Alla ñaasilaŋo soto. A ka Banisirayila la kiisoo le batu, aduŋ Noora Kuliŋo be a fee le.