Jabuuroolu 130:2 - Mandinka Bible

² Maariyo, n na kumandiroo moyi, i lamoyi n na daaniroo la, i ye balafaa n ye.

Jabuuroolu 130:2 ပူးပေါင်းရင်းမြစ်များ

2 Taarika 6:40

“N na Alla, i ñaa niŋ i tuloo tu duwaalu to, mennu be ke la ñiŋ dulaa to jaŋ.

Nehemiya 1:11

Maariyo, i lamoyi n na duwaa la, aniŋ i la dookuulaalu la duwaa, i too kuliyandoo ka mennu kontaani. Ñaatotaa dii n na, aduŋ i si a tinna ñiŋ mansakewo ye balafaa n ye.” Wo waatoo nte le mu mansa la mindaŋ sambalaa ti.

Nehemiya 1:6

Nte mu i la dookuulaa le ti. I lamoyi n na, i ye moyiroo ke n na duwaa la, m be meŋ ke kaŋ suutoo niŋ tiloo, ñiŋ Banisirayilankoolu ye, i la dookuulaalu. Ŋa junuboolu yitandi le ntolu Banisirayilankoolu ye mennu ke i la. Nte niŋ n na dimbaayaa fanaa ye junuboo ke le.

Jabuuroolu 140:6

Yaawe, n ko ite le mu n na Alla ti. Hee Yaawe, i lamoyi n na duwaa la, m be maakoyiri ñiniŋo le la.

Jabuuroolu 17:1

Hee Yaawe*, i lamoyi n na kumboo la, i ye kiitiyo teyi n ye. I tuloo loo n na duwaa la, neeneeri kuma te n daa.

Jabuuroolu 28:2

I lamoyi n kumboo kaŋo la, niŋ m be maakoyiri ñiniŋo la, niŋ ŋa m buloolu wulindi ka duwaa i la buŋ senuŋ baa ñaatiliŋo la.

Jabuuroolu 5:3

i ka n kaŋo moyi le soomandaa, seyiloo n ka n na kuwo laa i ñaa koto le, ŋa i batu.

Jabuuroolu 64:1

Hee Alla, i lamoyi n woosiikaŋo la. N tanka n jawoolu la silandiroolu ma.

Yesaya 37:17

Yaawe Alihawaa Maariyo, i lamoyi, kumakaŋolu moyi, Sennakeribu ye mennu kii naŋ ka ite Alla baluuriŋo sooki.