Jabuuroolu 128:1 - Mandinka Bible

¹ Barakoo be moo le ye, meŋ silata Yaawe* la, meŋ ka taama a la siloo la.

Jabuuroolu 128:1 ပူးပေါင်းရင်းမြစ်များ

Jabuuroolu 119:1

Barakoo be moolu le ye, mennu taaraŋ siloo maŋ sootaaroo soto, mennu ye ì la baluwo loo Yaawe* la yaamaroo kaŋ.

Jabuuroolu 112:1

Ali Yaawe* jayi. Barakoo be moo le ye meŋ ye Yaawe ñaasilaŋo soto, meŋ ka seewoo baake a la yaamaroolu mutoo la.

Luka 1:50

A ka a la balafaa yitandi a ñaasilannaalu le la, ka bo jamaani ka taa jamaani.

Jabuuroolu 103:13

Wuluufaa konotoo ka diyaa a diŋolu fee ñaameŋ, Yaawe konotoo ka diyaa moolu fee wo le ñaama, mennu ye a kuliyaa.

Kiilaalu 9:31

Wo to le Yeesu la kafoo moolu bee ye kayiroo soto Yudeya, Kalilee aniŋ Samariya tundoolu kaŋ. Ì bambanta, aduŋ ì yiriwaata Maariyo ñaasilaŋo kono ka bo niŋ Noora Kuliŋo la maakoyiroo la.

Jabuuroolu 147:11

Bari Yaawe ka kontaani moolu le la kuwo la, mennu ye a kuliyaa, mennu be jikiriŋ a la kanu bambaloo la.

Jabuuroolu 127:1

Niŋ Yaawe* maŋ buŋo meŋ ke lootaa ti, a loolaalu ka ì faŋ ne batandi kensenke. Niŋ Yaawe maŋ saatewo meŋ kanta, kantarilaalu ka i laa ì ñaa la kensenke le.

Jabuuroolu 115:13

A be neema la moolu ma le mennu ye a kuliyaa, moondiŋ, moo baa.

1 Tesalonikankoolu 4:1

Baadiŋolu*, m̀ be ali daani kaŋ Maarii Yeesu Kiristu* too la ka baluu niŋ baluuñaa la meŋ ka Alla seewondi. Wo mu baluuñaa le ti, ali ye meŋ karaŋ nuŋ ntolu bulu, aduŋ tooñaa, ali be baluuriŋ wo le ñaama. Wo ñaa-wo-ñaa, m̀ be ali wakiilindi la ka ali la katoo kafu,

Jabuuroolu 103:17

Bari Yaawe la kanu bambaloo ka tu moolu ye le, mennu ye a kuliyaa, fo abadaa. A ka tu beteyaariŋ jamaani-wo-jamaani moolu fee le,

Jabuuroolu 125:1

Moolu mennu ye ì jikoo loo Yaawe* kaŋ ka munta le ko, Siyoni* Konkoo meŋ te jiijaa noo la, a be tu la looriŋ ne fo abadaa.

Jabuuroolu 120:1

Kabiriŋ m be mantooroo kono, n kumboota Yaawe* ye, aduŋ a ye n jaabi le ka m maakoyi. Ŋa ñiŋ ne duwaa ko,

Jabuuroolu 119:3

mennu buka kuu jawu ke, bari ì ka taama a la siloo le la.

Luka 1:6

Ì bee tilinta Alla ñaa koto le, ì ye Maariyo la luwaalu niŋ yaamaroolu bee le muta a ñaama.

Jabuuroolu 121:1

Ŋa n ñaalu wulindi ka konkoolu juubee. Maakoyiroo ka bo n ye naŋ mintoo le?

Jabuuroolu 124:1

Niŋ Yaawe* maŋ tara nuŋ ntolu la karoo la, Banisirayilankoolu, ali a fo,

Jabuuroolu 103:1

Nte niyo be Yaawe* jayi la le. Ka bo niŋ n sondomoo bee la, m be a too senuŋo jayi la le.

Jabuuroolu 126:1

Kabiriŋ Yaawe* ye moolu samba naŋ Siyoni* ka bo mutoo kono, a mulunta m̀ fee le ko, m̀ be siiboo le la.

Jabuuroolu 81:13

“Kooni, niŋ Banisirayila taamata n na siloolu la, niŋ n na moolu ye i lamoyi n na,

Jabuuroolu 123:1

Yaawe*, n ñaa be ite le kaŋ santo, ite meŋ be siiriŋ i la mansabaayaa kono Arijana.

Jabuuroolu 122:1

N seewoota le kabiriŋ ì ko n ye ko, “Ali ŋà taa Yaawe* la buŋo to.”

5 Musa 28:3

A si neema ali ma ali la saatewolu kono, a ye neema ali ma ali la kunkoolu kono.

2 Samuweli 22:22

Kaatu ŋa ite Yaawe la siloolu nooma le, m maŋ kuu kuruŋo ke, ka n koo dii n na Alla la.