Jabuuroolu 125:2 - Mandinka Bible

² Komeŋ konkoolu ye Yerusalaamu murubeŋ ñaameŋ, Yaawe ye a la moolu murubeŋ wo le ñaama, ka bo saayiŋ na, ka taa fo abadaa.

Jabuuroolu 125:2 ပူးပေါင်းရင်းမြစ်များ

Jakariya 2:5

Yaawe* ko: “M be ke la tata dimbaamaa le ti, ŋa a murubeŋ, aduŋ nte le be ke la a semboo niŋ waroo ti.”

Jabuuroolu 121:8

A be i tankandi la le, i duntoo niŋ i fintitoo, ka bo saayiŋ, ka taa fo abadaa.

Yesaya 4:5

Bituŋ Siyoni Konkoo kunto, jamaa moolu bendiŋo jee, Yaawe be minaayoo le daa la ka tara jee tiloo la, dimbaa maloo aniŋ siisiyo suutoo la. Ì be tara la wankariŋ a taradulaa kallankeeyaariŋo* bee le kunto.

5 Musa 33:27

Alla mu badaa-badaa Alla le ti, ate le mu ali la tankadulaa ti, a buloo be ali koto. A ye ali jawoolu bayi ali ñaato, a ko, ali ye ì kasaara.

Niikuyaa Suukuwolu 4:12

Mansakewolu, duniyaa mansoolu maŋ laa, waraŋ moo koteŋ duniyaa kono, ko Yerusalaamu konnantee waraŋ a jawu si a dundaŋ daalu salaŋ noo.

Jabuuroolu 34:7

Yaawe la malaayikoo le ka moolu kanta, mennu ye a kuliyaa, aduŋ a ka ì tanka le.

2 Mansoolu 6:17

Wo le to Elisa duwaata ka a fo ko, “Dukaree Yaawe*, a ñaalu yelendi fo a si jeroo ke.” Bituŋ Yaawe ye a la dookuulaa ñaalu yelendi, a ye konkoo kaŋ bee je faariŋ suu dimbaamaalu la, aniŋ keleraŋ sareeti dimbaamaalu, Elisa dandaŋo bee la.