Jabuuroolu 125:1 - Mandinka Bible

¹ Moolu mennu ye ì jikoo loo Yaawe* kaŋ ka munta le ko, Siyoni* Konkoo meŋ te jiijaa noo la, a be tu la looriŋ ne fo abadaa.

Jabuuroolu 125:1 ပူးပေါင်းရင်းမြစ်များ

Jabuuroolu 62:2

N na semberaŋ beroo mu ate doroŋ ne ti, aniŋ n na tankoo. A mu n ye tatoo le ti, hani n te maamaŋ na muk.

Jakariya 1:17

Malaayikoo tententa ka a fo n ye ko, “Ñiŋ kumoo fanaa kankulaa, Yaawe Alihawaa Maariyo ye meŋ fo. A ko, ‘Neemoo be woyi la n na saatewolu kono le. Yerusalaamu be ke la n na tomboŋ saatewo le ti kotenke, aduŋ m be Siyoni Konkoo moolu maakoyi la le.’ ”

Jabuuroolu 34:22

Yaawe le ka a la dookuulaalu niyo tanka, aduŋ meŋ-wo-meŋ ka i tuuku a la, a te jarabi la.

Jabuuroolu 25:2

N na Alla, ŋa n jikoo loo ite le kaŋ. Kana soŋ ŋa bula maloo kono. Kana n jawoolu bula ì ye jele n na.

Jabuuroolu 120:1

Kabiriŋ m be mantooroo kono, n kumboota Yaawe* ye, aduŋ a ye n jaabi le ka m maakoyi. Ŋa ñiŋ ne duwaa ko,

1 Taarika 5:20

Ì ye Alla daani keloo waatoo la, a naata ì la duwaa jaabi, kaatu ì ye ì jikoo loo a kaŋ ne. Aduŋ a ye nooroo dii ì la, ì ye Hajara koomalankoolu muta, aniŋ mennu bee be ì fee.

Jabuuroolu 121:1

Ŋa n ñaalu wulindi ka konkoolu juubee. Maakoyiroo ka bo n ye naŋ mintoo le?

Jabuuroolu 62:6

N na semberaŋ beroo mu ate doroŋ ne ti, aniŋ n na tankoo. A mu n ye tatoo le ti, hani n te maamaŋ na.

Yesaya 12:6

Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

Jabuuroolu 122:1

N seewoota le kabiriŋ ì ko n ye ko, “Ali ŋà taa Yaawe* la buŋo to.”

Mika 4:2

Banku jamaa moolu si naa, ka a fo ñoo ye ko, “Ali naa ŋà taa Yaawe la konkoo kaŋ, ka taa Yaakuba la Alla Batudulaa Buŋo* to, fo a si ǹ karandi a la siloolu la, fo ǹ si taama noo a la lafoo kaŋ.” Kaatu yaamaroo be finti la naŋ Siyoni* le, Yaawe la kumoo be bo la naŋ Yerusalaamu le.

Yesaya 51:16

Nte le ŋa n na kumoo duŋ ali daa, ŋa m buloo biti ali kaŋ ka ali tanka. Nte le ye saŋ fatoolu ke ì dulaa to, ŋa bankoo fondamaŋo laa, n ko Siyoninkoolu ye ko, ‘Alitolu le mu n na moolu ti.’ ”

Jabuuroolu 123:1

Yaawe*, n ñaa be ite le kaŋ santo, ite meŋ be siiriŋ i la mansabaayaa kono Arijana.

Jabuuroolu 27:1

Yaawe* le mu n na lampoo ti, aniŋ n na tankoo, m be sila la jumaa le la? Yaawe le mu n na baluwo tuukuraŋo ti, jumaa le la kuwo be n kija fara la?

Lankenemoo 14:1

Bituŋ ŋa juubeeroo ke, ŋa Saajiiriŋo je looriŋ Siyoni* Konkoo kaŋ, aduŋ moo wuli keme wuli taŋ naani niŋ naani be a fee. A too niŋ a Faamaa too le be safeeriŋ wolu foŋolu to.

Jakariya 1:14

Wo to le, ñiŋ malaayikoo ko n ye ko: “Ñiŋ kumoo kankulaa, Yaawe Alihawaa Maariyo ye meŋ fo. A ko, ‘Yerusalaamu niŋ Siyoni* Konkoo la kuwo mu n ye suulakuu baa le ti.

Obadiya 1:21

Tankandirilaalu be sele la Siyoni Konkoo kaŋ ne, aduŋ ì be Edomu konkotundoo mara la le. A mansayaa be tara la nte Yaawe faŋo le bulu.”

Jabuuroolu 25:8

Yaawe beteyaata le, aduŋ a tilinta, wo kamma la a ka junubelaalu karandi a la siloolu la le.

1 Pita 1:21

Ka bo niŋ ate le la, ali dankeneyaata Alla la, meŋ ye a wulindi ka bo saayaa kono, aduŋ a ye kallankeeyaa dii a la. Wo kamma la, ali la lannoo niŋ jikoo si tu Alla kaŋ.

Yesaya 52:1

Wuli, wuli! Hee Siyoni*, i ye i semboo taa! Yerusalaamu saatee senuŋo, i la dendika kendoo duŋ. Sunnabaloolu aniŋ moo kosoriŋolu te duŋ na i kono kotenke.

Yesaya 51:8

Kaatu tumboo le be ì tiñaa la ko duŋ feŋo, baabaa ye ì tiñaa ko bayoo. Bari n na tiliŋo be tu la le fo abadaa, n na kiisoo ye tara jamaanoolu muumee bee ye.”

Yesaya 14:32

Muŋ jaabiri le be dii la kiilaalu la, mennu bota Filisitini bankoo kaŋ? M̀ be a fo la le ko, “Yaawe le ye Siyoni* londi fo a bambanta, aduŋ a la moo toorariŋolu be tankoo soto la jee le.”

Jabuuroolu 147:11

Bari Yaawe ka kontaani moolu le la kuwo la, mennu ye a kuliyaa, mennu be jikiriŋ a la kanu bambaloo la.

Jabuuroolu 124:1

Niŋ Yaawe* maŋ tara nuŋ ntolu la karoo la, Banisirayilankoolu, ali a fo,

Jabuuroolu 46:5

Alla be sabatiriŋ a kono le, feŋ te a tiñaa noo la. A be a tankandi la fanoo la ke tumoo la le.

Yesaya 51:11

Yaawe ye moolu mennu kumakaa, be muruŋ na le. Ì niŋ suukuwo le be duŋ na Siyoni*. Ì be tara la seewoo bambaloo le kono. Niikuyaa niŋ woosiyo be jamfa la ì la le, kontaanoo niŋ seewoo ye ì futufaa.

2 Taarika 20:20

Bituŋ ì wulita wo saamoo soomandaa juunoo ka taa Tekowa keñewuloo kono. Kabiriŋ ì pareeta ka taa, Yehosafati loota, a ko, “Yerusalaamunkoolu niŋ Yahuuda moo toomaalu, ali i lamoyi, niŋ ali laata Yaawe la, ali la Alla, ali be bambaŋ na le. Niŋ ali laata a la annabiyomoolu la, ali be nooroo ke la le.”

Jabuuroolu 20:8

Wo moolu be taki la le, ì ye boyi, bari ntolu be wuli la le, ŋà bambaŋ.

Jabuuroolu 46:6

Maakaŋ baa be keriŋ duniyaa bankoolu kaŋ, mansakundaalu ka maamaŋ, Alla be bumbuŋ na, duniyaa ye kiri.

Jabuuroolu 62:3

Janniŋ muŋ tuma le mu ali be tu la boyi la moo kaŋ, ali bee ye a boyindi ko tata sansaŋ laamaariŋo, sansaŋo meŋ be cojiriŋ?

Jabuuroolu 62:7

N na tankoo niŋ n na horomoo be looriŋ Alla le kaŋ. N na semberaŋ bere bambandiŋo le mu, aniŋ n tuukuraŋo.

Kuma Kotoomaalu 10:25

Niŋ foño baa feeta, a ka moo kuruŋolu samba le, bari moo tilindiŋolu ka tara bambandiŋ ne fo abadaa.

Yesaya 26:3

Ite Yaawe* ka kayira baa dii moolu le la, mennu hakiloo ka tu sabatiriŋ i kaŋ, ì ye ì jikoo loo i kaŋ.

Yesaya 26:4

Ali ali jikoo sembe Yaawe la fo fawu, kaatu Yaawe le mu ǹ na Alla ti, ǹ na badaa-badaa semberaŋ beroo.