Jabuuroolu 123:3 - Mandinka Bible

³ Yaawe, balafaa soto ǹ ye, balafaa ǹ ye, kaatu m̀ bulata jutunnayaa baa le kono.

Jabuuroolu 123:3 ပူးပေါင်းရင်းမြစ်များ

Jabuuroolu 57:1

Balafaa n ye, hee Alla, balafaa n ye, kaatu n niyo be karafariŋ ite le ma. M be i la tankoo koto le ko a dampammaa le ye m muuri, fo kasaaroo turubaadimaa ye tambi.

Yesaya 53:3

Moolu jututa a la le, ì ye i baŋ a to, moo le mu meŋ ye dimoo niŋ kuuraŋo taki. Ǹ jututa a la le, m̀ maŋ a muta feŋ ti ko moolu maŋ lafi ka moo meŋ je.

Luka 23:35

Moolu loota jee, ì be koroosiroo kaŋ. Maralilaalu ye Yeesu ñaawali ko, “A ye moo koteŋolu tankandi le. Wo to a ye a faŋo tankandi, niŋ a ye a tara, ate le mu Alimasiihu ti, Alla la tomboŋ moo.”

Luka 16:14

Farisewolu* mennu ye kodoo kanu, kabiriŋ ì ye ñiŋ moyi, ì ye Yeesu ñaawali.

Jabuuroolu 4:1

Niŋ ŋa i kumandi, i danku m ma, ite Alla meŋ mu n na tiliŋo sababoo ti. I ye dahaa dii n na le, mantooroo waatoo kono, balafaa n ye, i ye n na duwaa jaabi.

2 Samuweli 6:16

Biriŋ Yaawe la Kambeŋ Kunewo be duŋ kaŋ Yerusalaamu, Mikali meŋ keta Sawulu dimmusoo ti, ye juubeeroo ke niŋ palanteeroo la. Biriŋ a ye a je, Mansa Dawuda seewooriŋo be i doŋ kaŋ Yaawe ñaatiliŋo la, a jututa a la a sondomoo kono.

2 Mansoolu 19:3

Ì ko a ye ko, “Hesekiya ko bii luŋo mu niitooroo le ti, jaraboo, aniŋ maloo. Ǹ ka munta le ko deenaanoolu mennu pareeta wuluu la, bari ì baamaa maŋ semboo soto ka ì wuluu.

Yuuba 19:15

N na kumpaborilaalu, hani n na joŋ sunkutoolu bee le ye m muta komeŋ luntaŋo. N keta ì ñaa koto ko bantalankoo.

Niikuyaa Suukuwolu 3:30

Kasi nte, a si a tamoo laa tulubusalaa ye, ì ye nendiroolu feenee a kaŋ.

Esekiyeli 36:6

Saayiŋ kiilaariyaa kumoo fo Banisirayila bankoo la kuwo to, ka a fo wo konko baalu aniŋ konkoriŋolu, woyoolu niŋ wulumbaŋolu ye, nte Yaawe Alla ye ñiŋ ne fo ko: M be ñiŋ fo kaŋ n na kamfaa baa le kono, baawo wo bantala bankoolu ye nendiri kumoolu le fo ali ma.

Esekiyeli 36:15

A ko: “Nte te soŋ na ali ye bantala bankoolu la nendiri kumoolu moyi kotenke, aniŋ ka tara jutunnayaa kono kotenke, aduŋ ali te a tinna la, ali la banku moolu ye boyi kotenke.” Maarii Yaawe le ye a fo.