Jabuuroolu 122:7 - Mandinka Bible

⁷ Allamaa kayiroo ye tara i la tata sansaŋolu kono, aniŋ tankoo, i la mansasuwolu kono.”

Jabuuroolu 122:7 ပူးပေါင်းရင်းမြစ်များ

Yohana 14:27

“Ŋa kayiroo le tu ali fee, ŋa n na kayiroo dii ali la le. Nte maŋ a dii ali la ko duniyaa ka a dii ñaameŋ. Ali sondomoolu kana toora, sako ali si sila.

Yankuba 3:18

Kayiramoolu ye meŋ fii kayiroo kono, wo be tiliŋo diŋ na le.

Yesaya 54:13

Nte Yaawe le be i dinkewolu bee karandi la, aduŋ i diŋolu be tara la kayira baa le kono.

Jabuuroolu 48:3

Alla be Siyoni Tatoo kono le. A ye a faŋ yitandi le ko, ate le mu ì ye tankoo ti.

Yesaya 9:7

A la maraloo be tara la lafaa la le doroŋ, aduŋ kayira bambaloo le be tara la keriŋ. A be a bonsuŋo Dawuda la bankoo mara la le, a be sii la a la siiraŋo le kaŋ. A be a la maraloo londi la le, a ye bambaŋ, aduŋ a be a taamandi la tiliŋo niŋ tooñaa le la, ka dati a la waatoo la, fo abadaa. Yaawe* Alihawaa Maariyo* ye a hame le, ka ñiŋ kuwo taamandi.

Jabuuroolu 48:13

Ali a tata sansaŋolu koroosi kendeke. Ali a tata buŋolu la kuwo kisikisi, ñiŋ kamma ali si a fo noo jamaani naalaalu ye ko:

1 Taarika 12:18

Bituŋ wo to le Yaawe la Nooroo jiita Amasayi kaŋ kelejawara taŋ saboo ñaatonkoo, bituŋ a ko, “Hee Dawuda Yese dinkewo, ntolu mu i fansuŋ moolu le ti! Neemoo be i niŋ i la kafoo ye, aduŋ neemoo be moo-wo-moo ye meŋ kafuta i ma ka i maakoyi, kaatu Alla be ali fee le.” Wo to le Dawuda sonta ì ye kafu a ma, aduŋ a ye ì ke a la kelediŋ kafu ñaatonkoolu ti.