Jabuuroolu 121:7 - Mandinka Bible

⁷ Yaawe be i tankandi la kuu jawoo bee ma le, a be i niyo kanta la le.

Jabuuroolu 121:7 ပူးပေါင်းရင်းမြစ်များ

1 Musa 28:15

A loŋ ko, m be i fee le, aduŋ m be i tanka la le, i taata daa-wo-daa, aduŋ nte le be i murundi la naŋ ñiŋ bankoo kaŋ jaŋ. N te i tu la jee, fo niŋ ŋa n na laahidoo timmandi i ye.”

1 Taarika 4:10

Yabesi naata Banisirayila la Alla daani ko, “M Maarii, i la neemoo niŋ barakoo dii n na, i ye n na bankoo kenoo fanundi. I ye tara m fee, i ye n tanka bataa ma meŋ si n toora.” Bituŋ a ye meŋ daani, Alla naata a ke a ye.

Jabuuroolu 145:20

A ka moolu bee kanta le mennu ye a kanu, bari a be moo kuruŋolu bee kasaara la le.

Jabuuroolu 34:22

Yaawe le ka a la dookuulaalu niyo tanka, aduŋ meŋ-wo-meŋ ka i tuuku a la, a te jarabi la.

Jabuuroolu 41:2

Yaawe be a tanka la le ka a tu baluwo to. A be neema la a ma bankoo kaŋ ne. A te a tu la a jawoolu ye ì sawoo soto a la.

Jabuuroolu 97:10

Yaawe ye moolu le kanu mennu ye kuu jawoo koŋ, a ka a la moolu niyo kanta le, a ka ì tankandi moo jawoolu bulu.

Kuma Kotoomaalu 12:21

Mantoora kuu buka ke moo tilindiŋo la, bari moo kuruŋo baloo bee ka tara faariŋ kataa kuwo le la.

4 Musa 6:24

“Allamaa Yaawe neema la ali ma, a ye ali kanta.

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

Roomankoolu 8:28

Ŋà a loŋ ne ko, Alla ka kuwolu bee beteyandi moolu le ye, mennu ye a kanu, aniŋ a ye mennu kumandi a la natoo kamma.

2 Timoti 4:18

Maariyo be n kanandi la kuu jawoolu bee ma le, a be n samba la tankoo kono a la mansabaayaa to, Arijana. Tenturoo niŋ jayiroo be ate le ye fo abadaa. Amiin.