Jabuuroolu 121:5 - Mandinka Bible

⁵ Yaawe le mu i tankandilaa ti. Ate le mu i ye dubeŋo ti, meŋ ka tara i fee.

Jabuuroolu 121:5 ပူးပေါင်းရင်းမြစ်များ

Yesaya 25:4

I keta tankoo le ti fuwaaroolu ye, boridulaa, fentaŋolu ye ì la niitooroo waatoo, ka ì tanka foño baa ma, aniŋ ka ke ì ye dubeŋo ti, kandoo waatoo. Kaatu moo saŋaroolu la kelendiroo ka munta le ko foño baa meŋ ka sansaŋo busa,

Jabuuroolu 91:1

Moo-wo-moo be sabatiriŋ Alla Sembetii Baa la suturoo kono, aduŋ a tarata Alla Tallaa la tankoo kono,

Jabuuroolu 16:8

N hakiloo ka tu ñiŋ kaŋ ne ko, Yaawe be m fee le waati-wo-waati. A ka tara n daala le, wo kamma la feŋ te m bondi la n noo to.

2 Musa 13:21

Tiloo la, Yaawe ka tambi ì ñaato niŋ minaayoo le la ko samasiŋo, ka ì ñaatonkayaa ì la siloo kaŋ. Suutoo la, dimbaa samasimmaa ka maloo dii ì la, fo ì si taama noo suutoo niŋ tiloo.

Jabuuroolu 109:31

kaatu a ka loo sembentaŋolu la kuwo la le, ka ì kiisa kiitiikuntulaa jenkeriŋolu bulu mennu ka ì faa.

Yesaya 32:2

Ì meŋ-wo-meŋ be ke la moolu ye le ko taradulaa, ka ì tankandi foñoo la, aniŋ ka maabodulaa soto, niŋ burufatoo naata. Ì be ke la le ko boloŋo, meŋ ka woyi keñewuloo* kono, aniŋ bere konkoo niiniyo kene kenseŋo kono.

Matiyu 23:37

“Ite Yerusalaamu, hee, ite Yerusalaamu! I la moolu ye annabiyomoolu faa le, aniŋ ì ye kiilaalu buŋ beroolu la ka ì faa. Siiñaa jelu le n lafita i la dindiŋolu kafu la ñoo ma m bala, ko siisee dimbaa ka a diŋolu kafu ñoo ma a dampaŋo koto ñaameŋ, bari ali buka soŋ!