Jabuuroolu 120:1 - Mandinka Bible

¹ Kabiriŋ m be mantooroo kono, n kumboota Yaawe* ye, aduŋ a ye n jaabi le ka m maakoyi. Ŋa ñiŋ ne duwaa ko,

Jabuuroolu 120:1 ပူးပေါင်းရင်းမြစ်များ

Jabuuroolu 18:6

N na niikuyaa kaŋ, ŋa Yaawe kumandi, ŋa n na Alla kumandi ka m maakoyi. Ka bo naŋ a batudulaa to, a ye n kaŋo moyi, a tuloo ye n kumboo kaŋo moyi le.

Yunusa 2:2

A ko: “N na bataa kaŋ ŋa ite Yaawe kumandi le, aduŋ i ye n danku le. Ka bo kaburu dinkoolu to, ŋa i la maakoyiroo daani, aduŋ i ye n kalamuta le.

Jabuuroolu 118:5

Biriŋ m be deteriŋ, ŋa Yaawe kumandi le, a ye n jaabi, aduŋ a ye m firiŋ.

Hiburunkoolu 5:7

Biriŋ Yeesu be sabatiriŋ duniyaa kono jaŋ ko hadamadiŋo, a ye duwaalu niŋ daaniroolu ke ka bo niŋ kumboo baa niŋ ñaajiyolu la Alla ye, meŋ si a tankandi noo saayaa ma. Aduŋ Alla ye a moyi a la a ñaasilaŋo le kamma la.

Jabuuroolu 50:15

Ali n kumandi, niŋ mantooroo naata ali kaŋ, m be ali tankandi la le, aduŋ ali be n horoma la le.”

Jabuuroolu 130:1

Hee Yaawe*, ka bo n na jaakali baa kono, ŋa i kumandi le.

Luka 22:44

A duwaata kendeke niitooroo kono, aduŋ a taroo mulunta yele dotiŋ-dotiŋolu le la, mennu tondita bankoo to.

Jabuuroolu 131:1

Yaawe*, faŋ wara te n sondomoo kono, aduŋ m maŋ ke kufaŋ moo ti. M buka m faŋ bula kuu baa kewo la, waraŋ kuwolu mennu kaawakuuyaata m fee.

Jabuuroolu 125:1

Moolu mennu ye ì jikoo loo Yaawe* kaŋ ka munta le ko, Siyoni* Konkoo meŋ te jiijaa noo la, a be tu la looriŋ ne fo abadaa.

Jabuuroolu 107:13

Bituŋ ì la mantooroo kono, ì kumboota Yaawe ye, aduŋ a ye ì bondi ì la tooroo kono le.

Jabuuroolu 134:1

Ali naa ka Yaawe* tentu, alitolu mennu bee mu a la dookuulaalu ti, alitolu mennu ka loo suutoo ka baturoo ke a la buŋo kono.

Jabuuroolu 133:1

Ñaaboo kuwo le mu, seewoo kuwo le mu, niŋ baadimmaalu tarata baluuriŋ kambeŋo kono.

Jabuuroolu 132:1

Yaawe*, i hakiloo ye bula Dawuda la, aniŋ a ye bataa kuwolu mennu bee muña.

Jabuuroolu 127:1

Niŋ Yaawe* maŋ buŋo meŋ ke lootaa ti, a loolaalu ka ì faŋ ne batandi kensenke. Niŋ Yaawe maŋ saatewo meŋ kanta, kantarilaalu ka i laa ì ñaa la kensenke le.

Jabuuroolu 124:1

Niŋ Yaawe* maŋ tara nuŋ ntolu la karoo la, Banisirayilankoolu, ali a fo,

Jabuuroolu 122:1

N seewoota le kabiriŋ ì ko n ye ko, “Ali ŋà taa Yaawe* la buŋo to.”

Jabuuroolu 121:1

Ŋa n ñaalu wulindi ka konkoolu juubee. Maakoyiroo ka bo n ye naŋ mintoo le?

Jabuuroolu 102:2

Kana i ñaa kaasi n na, n na mantooroo waatoo la. I lamoyi n na, i ye tariyaa ka n jaabi, niŋ ŋa i kumandi.

Jabuuroolu 129:1

Banisirayilankoolu, ali a fo ko, “Ì ye ntolu toorandi baake le, biriŋ m̀ foloodulaa.

Jabuuroolu 128:1

Barakoo be moo le ye, meŋ silata Yaawe* la, meŋ ka taama a la siloo la.

Jabuuroolu 126:1

Kabiriŋ Yaawe* ye moolu samba naŋ Siyoni* ka bo mutoo kono, a mulunta m̀ fee le ko, m̀ be siiboo le la.

Jabuuroolu 123:1

Yaawe*, n ñaa be ite le kaŋ santo, ite meŋ be siiriŋ i la mansabaayaa kono Arijana.

1 Samuweli 1:20

Bituŋ wo waatoolu kono Hanna harijeeta, aduŋ biriŋ waatoo siita, a naata dinkewo le wuluu. A ye a toolaa Samuweli la, ka a fo ko, “Kaatu ŋa Yaawe daani a la le.”

1 Samuweli 1:27

N duwaata nuŋ ñiŋ diŋo le la, aduŋ Alla ye n na natoo timmandi n ye le.

Jabuuroolu 50:23

Moo meŋ ka tenturoo dii n na sadaa ti, wo maarii ka nte le horoma a ñaama. Moo-wo-moo ka taama sila kendoo la, wo kono nte Alla be a kiisa la le.”

Yunusa 2:3

I ye m fayi diinoŋo le to, ka taa fo baa duumoo to, daameŋ jiyo be m baloo karoo bee la, aduŋ i la baa baliŋo semboo bee ka naa n kaŋ ne.