Jabuuroolu 12:6 - Mandinka Bible

⁶ Yaawe la laahidi kumoolu maŋ sootaari soto, ì ka munta le ì ye kodiforoo meŋ seneyandi tunkaŋ dimbaa kono, a seneyaata ko siiñaa woorowula.

Jabuuroolu 12:6 ပူးပေါင်းရင်းမြစ်များ

Kuma Kotoomaalu 30:5

Alla la kumoo bee mu tooñaa le ti, a mu koteeroo* le ti moolu ye, mennu ka tankoo ñini a bulu.

Jabuuroolu 18:30

Alla la siloolu maŋ sootaari soto, Yaawe la kumoo maŋ tana soto. Moolu mennu ka tankoo ñini i bulu, i keta ì la koteeroo le ti.

2 Samuweli 22:31

Alla la siloo maŋ sootaari soto, Yaawe la kumoo maŋ tana soto. Moolu mennu ka tankoo ñini i bulu, i keta ì la koteeroo le ti.

Jabuuroolu 19:8

Yaawe la yaamaroolu tilinta le, ì ka jusulaa le dii. Yaawe la luwaalu seneyaata le, ì ka hakiloo la jeroo fanundi le.

Jabuuroolu 66:10

Hee Alla, i ye ntolu kotobo le, i ye ǹ ke le komeŋ kodiforoo ka yelundi ñaameŋ, ka a seneyandi.

Jabuuroolu 119:140

I la laahidoo mu lanna kuwo le ti, aduŋ nte meŋ mu i la dookuulaa ti, ŋa a kanu le.

2 Musa 3:7

Yaawe ko, “Ŋa n na moolu la bataa kuwo je le, ì be meŋ kono Misira. Ŋa ì kumboo kaŋo moyi le, kaatu ì la dookuu kuntiyolu le ye ì mantoora, ì la bataa ye n dewuŋ ne.

2 Musa 3:8

Saayiŋ n naata le, ka ì tankandi Misirankoolu bulu, aniŋ ka ì bondi wo bankoo kaŋ, ka ì samba banku warariŋ baa to, keekewo niŋ liyo ka woyi daameŋ, Kanaaninkoolu, Hitinkoolu, Amorinkoolu, Perisinkoolu, Hiwinkoolu aniŋ Yebusinkoolu be sabatiriŋ daameŋ.

2 Musa 6:1

Wo to le Yaawe* ko Musa ye ko, “Saayiŋ i be a je la le, m be meŋ ke la Firawoona la. M be n na semboo yitandi la a la le, fo a si n na moolu bula ì ye taa. M be a forisee la le, a ye ì bayi a la bankoo kaŋ.”

Yuuba 20:19

kaatu itolu tarata fuwaaroolu le batandi kaŋ, aniŋ ka ì ñaa kaasi ì la. Ì ye buŋolu taa moolu bulu, ì maŋ mennu loo.

Yuuba 28:1

A be koyiriŋ ne lewu ko, kodiforoo sindulaa be keriŋ ne, aduŋ sanoo yelundidulaa be sotoriŋ ne.

Jabuuroolu 9:13

Hee Yaawe, balafaa n ye. A juubee mennu ye n koŋ, ì ye n toorandi ñaameŋ, ite meŋ ka m bondi saayaa daa to,

Jabuuroolu 76:10

Hadamadiŋolu la kamfaa i kamma, wo labaŋo be ke la i ye tenturoo le ti. Ì la kamfaa be ke la i ye ñaroo le ti.

Kuma Kotoomaalu 22:23

kaatu Yaawe le be loo la ì ye, aduŋ moo-wo-moo ye ì la feŋolu taa, a be i niyo taa la le.

Yesaya 14:22

Yaawe Alihawaa Maariyo* ye ñiŋ ne fo ko, “M be wuli la ì kamma le, ka ì boyinkaŋ.” A ko, “M be Babiloni too buruka la le, aniŋ mennu tuta baluuriŋ, ka taa ì ye mennu wuluu, aniŋ wolu koomalankoolu.”

Yesaya 33:10

Saayiŋ Yaawe ko, “M be wuli la le, m be buuñaa la le, m be n na kallankeeyaa* yitandi la le.