Jabuuroolu 12:5 - Mandinka Bible

⁵ Yaawe ko, “M be wuli la le, kaatu ì ye fuwaaroolu mantoora le, aduŋ fentaŋolu be woosii kaŋ ne. M be tankoo dii la ì la le, ì be lafiriŋ meŋ na.”

Jabuuroolu 12:5 ပူးပေါင်းရင်းမြစ်များ

Jabuuroolu 34:6

Nte koritoo woosiita a ye le, a ye n jaabi, aduŋ a ye n kiisa n na mantoora kuwolu bee kono le.

Kuma Kotoomaalu 14:31

Moo meŋ ka fuwaaroolu mantoora, a ka ì Daamansoo le sooki, bari moo meŋ ye balafaa soto ì ye, wo ka Alla le buuñaa.

Yankuba 5:4

A juubee, lebereesoolu mennu ye katiroo ke ali la kunkoolu to, ali ye ì la jooroo meŋ nakari tapaleeyaa kono, wo kumboota baake le, aduŋ lebereesoolu la kumboo kaŋolu futata Alihawaa Maariyo* ma le.

Yesaya 33:10

Saayiŋ Yaawe ko, “M be wuli la le, m be buuñaa la le, m be n na kallankeeyaa* yitandi la le.

Yuuba 5:15

Bari ate Alla, fuwaaroolu, a ka wolu tanka moo jawoolu neŋ jawoo ma le. Ate le ka moolu tanka, mennu be suuloo kono ka bo sembemaalu bulu.

Jabuuroolu 10:12

Hee Yaawe Alla, wuli, i buloo ye laa moo kuruŋolu kaŋ. Kana ñina moo toorariŋolu la.

Yuuba 5:21

Alla le be i tanka la koomakumaroo ma, aduŋ a te jari la ñiŋ na, i ye silaŋ kuu soto, niŋ kasaara kuwo naata.

Yesaya 19:20

Ì be ke la taamanseeroo niŋ seedoo le ti Yaawe Alihawaa Maariyo ye, Misira bankoo kaŋ. Niŋ ì kumboota Yaawe ye, ì mantooralaalu la kuwo kamma la, a be kiisandirilaa niŋ tankandirilaa kii la ì ye le, aduŋ a be ì kiisa la le.

Esekiyeli 18:18

Bari a faamaa be faa la a faŋo la kuu jawu kewolu le kamma, kaatu a ka nakaroo le ke, a ka a baadiŋo suuñaa, aduŋ a ka kuu jawoo ke a la moolu la.

Kawandilaa 5:8

Niŋ i ye a je tundoo kaŋ, ì be fentaŋolu toorandi kaŋ, tiliŋo niŋ tooñaa taata, kana jaakali a kuwo la. Kaatu kantiyolu le ka ñoo kuburu. Aduŋ ì la ñaatonka baalu le ka ì tanka.

Kawandilaa 4:1

Ŋa koroosiroo ke kotenke, ŋa a je toorandi kuwo meŋ be taama kaŋ ñiŋ duniyaa tiloo koto: Ŋa moo toorariŋolu ñaajiyo je le, ì maŋ sabarindilaa soto. Semboo be ì toorandilaalu le bulu, moo maŋ soto ka ì sabarindi.

Jabuuroolu 10:18

I be aliyatiimoolu danku la le, aniŋ moo toorariŋolu, ka kiitiyo teyi ì ye. Wo to le moo te tara la duniyaa meŋ si moo doolu silandi.

Jabuuroolu 10:5

A ka firiŋo soto a baluuñaa bee le to, a la jeroo buka futa Alla la kiitiyo ma. A ka a jawoolu bee ñaawali le.

Kiitindirilaalu 10:16

Bituŋ ì ye wo jalaŋolu bee landi kara la, ì ye ì ñaa tiliŋ Yaawe batoo la. A balafaata Banisirayilankoolu ye, ì la bataa kaŋ.

2 Musa 5:2

Firawoona kumata ko, “Jumaa le mu Yaawe ti? Muŋ ne ye a tinna, m be n lamoyi la a la, ka Banisirayilankoolu bula ì ye taa? M maŋ Yaawe loŋ, aduŋ m maŋ taa Banisirayilankoolu bula la ì ye taa.”

Jabuuroolu 31:19

Hee, i la neemoo warañaa, meŋ be maaboriŋ i bulu moolu ye, mennu silata i la, aduŋ i ka a jindi moolu le kaŋ, mennu be bamburiŋ i kooma, moo bee ñaa ye a je.

Jabuuroolu 73:8

Ì ka jele moo koteŋolu la ì ka kuma jawoo fo, aduŋ ì la faŋ waroo kaŋ ì ka moolu silandi.

Kuma Kotoomaalu 18:21

Niŋ i ye kumoo fo, a si ke noo kuma kendoo ti le, waraŋ moofaa kuwo. Wo to niŋ i fokumoo ye a tinna i ye kuu soto, i ñanta soŋ na a la le.

Hoseya 7:16

Ì maŋ muru nte Alla Tallaa kaŋ, ì ka muluŋ ne ko kala jenkeriŋo. Hawusaroo* le be ì la maralilaalu faa la, ì daakumoo la jawuyaa kamma. Ñiŋ be ì ke la jelefeŋo le ti Misira.”