Jabuuroolu 12:4 - Mandinka Bible

⁴ mennu ka a fo ko, “Ǹ neŋolu le be a tinna la ŋà kututeyi. Ǹ daalu be m̀ bulu le, jumaa le si ntolu mara noo?”

Jabuuroolu 12:4 ပူးပေါင်းရင်းမြစ်များ

2 Tesalonikankoolu 2:4

meŋ ka balaŋ feŋ-wo-feŋ na, moolu ka mennu batu. A ka a faŋ sikandi le ka tambi feŋolu bee la, a be hani sii la Alla Batudulaa kono le ka a fo ko, ate le faŋo mu Alla ti.

2 Musa 5:2

Firawoona kumata ko, “Jumaa le mu Yaawe ti? Muŋ ne ye a tinna, m be n lamoyi la a la, ka Banisirayilankoolu bula ì ye taa? M maŋ Yaawe loŋ, aduŋ m maŋ taa Banisirayilankoolu bula la ì ye taa.”

Yeremiya 18:18

Bituŋ moolu kumata ko, “Ali naa ŋà feeroolu siti Yeremiya kamma, wo te a tinna ŋà foo piriisoolu* la mennu be kali karandiroo ke la, waraŋ moo ñaamendiŋolu mennu be kali yaamaroo dii la, waraŋ annabiyomoolu mennu be kali Alla la kumoo bankee la. Ali ŋà a kele ǹ neŋo la, aduŋ ǹ kana n lamoyi a la kuma la.”

Daniyeli 3:15

Bari saayiŋ, niŋ ali ye ñiŋ kumafeŋolu moyi: binoo, footaŋo, suusaa, kontiŋo, kooraa, tantaŋo, aniŋ kumafeŋ siifaalu bee, aduŋ wo loodulaa to, ali sujudita ka moo muluŋo batu, ŋa meŋ dadaa, tana te ali la. Bari niŋ ali maŋ baturoo ke, ì be ali fayi la fuuri dimbaa wuleŋo kono le, wo loodulaa to. Fo Alla le be keriŋ, meŋ si ali bondi noo nte bulu baŋ?”

Yeremiya 2:31

“Alitolu ñiŋ jamaanoo moolu, ali nte Yaawe la ñiŋ kumoo lamoyi baŋ: Fo n nene keta Banisirayila ye le komeŋ keñewuloo? Fo n nene finta a ma le komeŋ banku dibiriŋ baa? Wo to muŋ ne ye a tinna n na moolu ka a fo ko, ‘Ntolu be m̀ faŋ ne bulu taariŋ. Ǹ te muru la i kaŋ kotenke?’

1 Musa 3:5

Alla ye a loŋ ne ko, niŋ ali ye wo yiroo diŋo domo, ali ñaalu be yele la le. Ali be ke la le komeŋ ate, Alla faŋo, ka kuu betoo niŋ kuu jawoo loŋ.”

Jabuuroolu 140:12

Yaawe, ŋa a loŋ ne ko, ite le ka loo moo bataariŋolu la kiitiyo la, aniŋ fentaŋolu la boloo ye.

Kuma Kotoomaalu 10:31

Moo tilindiŋolu ka ñaameŋ kumoolu le fo, bari moo meŋ neŋo ka tu kuma jawu fo la, wo te baluu la.