Jabuuroolu 119:57 - Mandinka Bible

⁵⁷ Ite Yaawe le keta nte taa ti, ŋa laahidoo taa le ka i la kumoolu muta.

Jabuuroolu 119:57 ပူးပေါင်းရင်းမြစ်များ

Niikuyaa Suukuwolu 3:24

N niyo faŋo ko, “Yaawe, ŋa ite dammaa le soto, wo to m be n jikoo loo la i kaŋ ne.”

Jabuuroolu 16:5

Nte la niiboroo ka bo ite Yaawe le bulu, aduŋ n suulafeŋo bee sumandiŋo be i bulu le. M baluuñaa be ite le bulu.

Jabuuroolu 142:5

Hee Yaawe, n kumboota i ye le ka m maakoyi. N ko ite le mu n na tankandirilaa ti. Ŋa ite le soto n na baluwo to.

Yeremiya 10:16

Bari Yaawe te wo ñaama, Yaakuba la Alla, kaatu ate le mu feŋo bee Daamansoo ti, a ye Isirayila ke a la keetaafeŋo ti. A too mu Yaawe Alihawaa Maariyo* le ti.

Jabuuroolu 73:26

N jaatoo niŋ n sondomoo si kori noo, bari n sondomoo la bambaŋo be dendiŋ Alla le la. Ŋa ate doroŋ ne soto fo abadaa.

Jabuuroolu 119:115

Alitolu kuu jawu kelaalu, ali bo m bala, fo n si n na Alla la yaamaroolu muta noo.

Yosuwa 24:21

Bari ñiŋ moolu ko Yosuwa ye le ko, “Hanii! Ntolu be Yaawe doroŋ ne batu la.”

Yosuwa 24:18

Aduŋ Yaawe ye ñiŋ bankoo moolu bee bayi ǹ ñaatiliŋo la le, hani Amorinkoolu daa bulariŋo jee mennu tarata sabatiriŋ ñiŋ bankoo kaŋ. Wo to, ntolu fanaalu be Yaawe batu la le, kaatu ate le mu ǹ na Alla ti.”

Yosuwa 24:15

Bari niŋ ali maŋ lafi ka Yaawe batu, wo to ali a fo bii, ali be meŋ tomboŋ na ka a batu. Ali tombondiroo ke alloolu la ali la alifaa foloolu tarata mennu batu kaŋ nuŋ Yufurati Boloŋo kankuŋ doo la, waraŋ Amorinkoolu la alloolu, ali be sabatiriŋ mennu la bankoo kaŋ saayiŋ. Bari nte wo de, n niŋ n na dimbaayaa be Yaawe doroŋ ne batu la.”

Jabuuroolu 119:106

N kalita le ka laahidi bambandiŋo taa, ka i la luwaa timmariŋolu muta.

Jabuuroolu 66:14

Kabiriŋ m be mantooroo kono ŋa laahidoo dii i la le, aduŋ saayiŋ m be a timmandi la le.

5 Musa 18:2

Ì maŋ ñaŋ na keetaakenoo soto la, ko ì baadiŋ lasili koteŋolu. Yaawe faŋo le mu ì niyo ti, ko a ye a laahidi ì ye ñaameŋ.

Jabuuroolu 119:2

Barakoo be moolu le ye, mennu ka a la kumakaŋolu muta, mennu ka ate ñini niŋ ì sondomoo bee la,