Jabuuroolu 119:2 - Mandinka Bible

² Barakoo be moolu le ye, mennu ka a la kumakaŋolu muta, mennu ka ate ñini niŋ ì sondomoo bee la,

Jabuuroolu 119:2 ပူးပေါင်းရင်းမြစ်များ

Yeremiya 29:13

Ali be n ñini la le, ali ye n je. Niŋ ali ye n ñini ali sondomoo bee la,

Jabuuroolu 119:10

Nte ka i ñini niŋ n sondomoo bee le la, kana m bula ŋa jenke i la yaamaroolu la.

5 Musa 4:29

Bari hani wo dulaa to, ali be Yaawe ali la Alla ñini la jee le ali sondomoo bee la aniŋ ali niyo bee la, aduŋ ali be a je la le.

Yohana 14:23

Yeesu ye a jaabi ko, “Niŋ moo meŋ ye nte kanu, a be n na kumoo muta la le, aduŋ m Faamaa be wo maarii kanu la le. Aduŋ m̀ be naa la a yaa le, ŋà sabati a fee.

Jabuuroolu 25:10

Yaawe ka kuwo bee taamandi tiliŋo niŋ kanu bambaloo le kono moolu ye mennu ka a la kambeŋo muta, aniŋ a la yaamaroolu.

Esekiyeli 36:27

M be n na Nooroo duŋ na ali kono le, meŋ be a tinna la ali ye bula n na yaamaroolu nooma kuuke, aniŋ n na saratoolu.

Kuma Kotoomaalu 23:26

N diŋo, i hakiloo tu n na kumoo to, aduŋ i si bula n na misaaloo nooma,

5 Musa 6:17

Ali si Yaawe ali la Alla la luwaalu muta kendeke, aniŋ a la yaamaroolu niŋ saratoolu, a ye mennu dii ali la.

2 Taarika 31:21

A ye dookuu-wo-dookuu dati ka a ke Alla Batudulaa Buŋo to, aniŋ meŋ be dendiŋ luwaa niŋ yaamaroolu la, a ye a ke niŋ a sondomoo bee le la ka Alla batu, aduŋ a ye yiriwaa soto.

1 Mansoolu 2:3

aniŋ i ye taama Yaawe* i la Alla la siloolu la. I si a la karandiroolu niŋ yaamaroolu muta, aniŋ a la kumoolu niŋ luwaalu, ko a be safeeriŋ Musa la Luwaa* kono ñaameŋ, ñiŋ kamma la i taata daa-wo-daa, i si yiriwaa soto kuu-wo-kuu to i be meŋ ke la.

1 Yohana 3:20

Wo kamma la, niŋ ǹ sondomoolu ye ǹ tuumi, ǹ si a loŋ ko, Alla le warata ǹ sondomoolu ti, aduŋ ate ye kuwolu bee le loŋ.

Jabuuroolu 105:45

ñiŋ kamma la ì si a la luwaalu muta, aniŋ ka taama a la yaamaroolu la. Ali Yaawe jayi.

5 Musa 6:5

Wo to ali Yaawe ali la Alla kanu ali sondomoo bee la, ali niyo bee la, aniŋ ali semboo bee la.

Jabuuroolu 119:22

Ì la nendiroolu niŋ jutunnayaa bo n kaŋ, kaatu nte ye i la luwaalu muta le.

Jabuuroolu 119:146

N kumboota i ye le. N tanka, fo n si i la luwaalu muta.

1 Taarika 22:19

Wo to ali Yaawe ali la Alla muta kendeke ka bo niŋ ali sondomoo niŋ ali niyo bee la, ali ye a dati ka Batudulaa Buŋo loo ka Yaawe Alla too kuliyaa, fo ali si Yaawe la Kambeŋ Kunewo* dundi jee, aniŋ jooraŋ senuŋ koteŋolu.”

Jabuuroolu 119:17

Yaawe, beteyaa nte fee, i la dookuulaa, fo n si baluu ka i la kumoo muta.

Jabuuroolu 119:33

Yaawe, n karandi ka i la luwaalu mutañaa loŋ, m be ì nooma la le fo labandulaa to.

Jabuuroolu 119:34

M maakoyi ka i la karandiroo fahaamu kendeke, fo n si a muta noo, aniŋ ka a taamandi niŋ n sondomoo bee la.

Jabuuroolu 119:57

Ite Yaawe le keta nte taa ti, ŋa laahidoo taa le ka i la kumoolu muta.

Jabuuroolu 119:69

Faŋ waralaalu ye faniyaa le fo ka n too tiñaa, bari ŋa ite la kumakaŋolu muta niŋ n sondomoo bee le la.

Jabuuroolu 119:88

N niyo tankandi ka bo niŋ i la kanu bambaloo la, ñiŋ kamma la n si luwaa muta i ye meŋ dii. Lamed

Jabuuroolu 119:101

M balanta le ka bula kuu jawu kelaalu la siloolu nooma, kaatu n lafita ite le la kumoo muta la.

Jabuuroolu 119:115

Alitolu kuu jawu kelaalu, ali bo m bala, fo n si n na Alla la yaamaroolu muta noo.