Jabuuroolu 119:144 - Mandinka Bible

¹⁴⁴ I la karandiroolu be tu la tilindiŋ ne fo fawu, fahaamuroo dii n na, fo n si baluu. Kof

Jabuuroolu 119:144 ပူးပေါင်းရင်းမြစ်များ

2 Korintinkoolu 4:6

Alla meŋ ko nuŋ ko, “Maloo ye mala diboo kono,” ate faŋo le ye a la maloo dii ǹ sondomoo kono fo ǹ si a la kallankeeyaa fahaamu. Ñiŋ mu Alla la kallankeeyaa le ti, meŋ ka mala Kiristu ñaadaa to.

Daniyeli 12:10

Moo jamaa be janku la le, ì ye seneyaa Alla la karoo la. Bari moo jawoolu be jawuyaakuu la le, aduŋ ì te ñiŋ kuwolu fahaamu la. Bari moolu mennu ñaamenta, wolu be fahaamuroo ke la le.

Yeremiya 4:22

Yaawe ko, “N na moolu mu toolewolu le ti, ì maŋ nte loŋ. Ì mu dindiŋ hakilintaŋolu le ti, ì maŋ fahaamuroo ke. Ì kalanta kuu jawu kewo la le, bari ì maŋ kuu kende kewo noo.”

Jabuuroolu 119:169

Hee Yaawe, n na woosiyo ke mutataa ti i ñaatiliŋo la. Fahaamuroo dii n na ka bo niŋ i la kumoo la.

Yesaya 27:11

Niŋ ì yiribuloolu jaata, ì ka kati le ka joloŋ, musoolu ka ì ke loo ti. Tooñaa-tooñaa, ñinnu mu saatee moolu le ti, mennu maŋ fahaamuru soto. Wo le ye a tinna ì Daamansoo maŋ balafaa soto ì ye, ì Daalaa maŋ maakoyiri dii ì la.

Kuma Kotoomaalu 10:21

Moo tilindiŋo la kumoo ka moo jamaa le nafaa, bari hakilintaŋyaa le ka toolewolu faa.

Jabuuroolu 119:73

Ite le mu n Daamansoo ti, ite le ye muluŋo ke n na. Fahaamuroo dii n na fo n si i la luwaalu karaŋ noo.

Matiyu 13:19

Niŋ moo meŋ ye mansabaayaa kumoo moyi, aduŋ a maŋ a fahaamu, Seetaanoo* si naa a buusi a la, meŋ fiita a sondomoo kono. Ñiŋ ne mu kesoo ti, meŋ jolonta moolu la tambidulaa to.

Matiyu 5:18

Tooñaa, m be a fo la ali ye, janniŋ saŋo niŋ bankoo be yeemaŋ na, hani harafu kiliŋ waraŋ tombi kiliŋ te yeemaŋ na Luwaa to, fo kuwolu bee ye timma.

Jabuuroolu 119:152

Waati jaŋ koomanto, ŋa a karaŋ i la yaamaroolu to le ko, i ye ì londi le ka tu keriŋ fo abadaa. Res

Jabuuroolu 119:138

I ye luwaalu mennu dii, tooñaa doroŋ ne mu, aniŋ tiliŋo.

Jabuuroolu 119:66

N ñaalabulandi ka londoo niŋ fahaamuroo soto, kaatu n laata i la yaamaroolu la le.

Jabuuroolu 19:9

Yaawe ñaasilaŋo mu kuu kendoo le ti, a be tu la le fo abadaa. Yaawe la luwaalu mu tooñaa le ti, aduŋ ì bee le ka tiliŋ.

Yohana 17:3

Aduŋ ñiŋ ne mu badaa-badaa baluwo ti ko, ì si ite loŋ, ite meŋ dammaa mu Alla tooñaa ti, aniŋ ì si Yeesu Kiristu* loŋ, i ye meŋ kii.

Hoseya 4:6

N na moolu kasaarata lombaliyaa kaŋ. Alitolu piriisoolu ye ì baŋ ne ka n loŋ, wo to ŋa m baŋ ali la piriisiyaa to le. Bayiri ali ñinata ali la Alla la Luwaa la, nte fanaa be ñina la ali diŋolu la le.

Jabuuroolu 119:34

M maakoyi ka i la karandiroo fahaamu kendeke, fo n si a muta noo, aniŋ ka a taamandi niŋ n sondomoo bee la.

Jabuuroolu 119:17

Yaawe, beteyaa nte fee, i la dookuulaa, fo n si baluu ka i la kumoo muta.

Jabuuroolu 119:151

Bari ite Yaawe be n daala le, aduŋ i la yaamaroolu bee mu tooñaa le ti.

Kuma Kotoomaalu 4:4

m faamaa ka n karandi le, a ka a fo n ye ko, “N na kumoo muta i sondomoo kono, i ye n na yaamaroo nooma, wo le be i balundi la.

Kuma Kotoomaalu 7:2

N na yaamaroolu tu i sondomoo kono, wo to le i si baluu, n na karandiroo kanta ko i ka i ñaakesoo kanta ñaameŋ.