Jabuuroolu 119:141 - Mandinka Bible

¹⁴¹ Nte maŋ kummaayaa, aduŋ ì jututa n na le, bari m maŋ ñina i la luwaalu la.

Jabuuroolu 119:141 ပူးပေါင်းရင်းမြစ်များ

Jabuuroolu 22:6

Bari nte wo maŋ ke moo ti, n ka munta le ko tumboo, moolu jututa n na, aduŋ ì ye n ke jelefeŋo ti.

2 Korintinkoolu 8:9

Ali ye m̀ Maarii Yeesu Kiristu* la hiinoo loŋ ne ko, a mu fankamaa le ti, bari hani wo, a naata ke fuwaaroo ti ali la kuwo kamma la fo ka bo niŋ a la fuwaareyaa la, alitolu si ke fankamaalu ti.

Yankuba 2:5

M baadiŋ kanuntewolu, ali i lamoyi! Fo Alla le maŋ moolu tomboŋ baŋ, mennu fuwaareyaata ñiŋ duniyaa kono, fo ì si fanka lannoo kono, aniŋ ì ye wo mansabaayaa keetaa, a ye meŋ laahidi moolu ye, mennu ye a kanu?

Luka 9:58

Bituŋ Yeesu ko a ye ko, “Kunkuwuloolu ye dinkoolu soto le, ì ka tara daameŋ to. Aduŋ kunoolu fanaa ye ñaŋolu soto le, ì ka tara daameŋ to. Bari Moo Dinkewo maŋ hani dulaa soto, a be a kuŋo laa la daameŋ.”

Luka 6:20

Wo to le Yeesu ye a kuŋo wuli, a ye a la saayiboolu juubee. Bituŋ a ko: “Barakoo be alitolu fuwaaroolu ye, kaatu alitolu le taa mu Alla la mansabaayaa ti.

Kuma Kotoomaalu 16:8

I ye domandiŋ soto tiliŋo kono, wo le fisiyaata jamaa ti jenkoo kono.

Kuma Kotoomaalu 15:16

I ye domandiŋ soto i ye sila Yaawe la, wo le fisiyaata i ye naafuloo soto, i niŋ bataa.

Kuma Kotoomaalu 3:1

N diŋo, kana ñina n na karandiroo la, aduŋ i si n na yaamaroolu muta i sondomoo kono.

Jabuuroolu 119:109

N ka tara pareeriŋ ne waati-wo-waati, ka n niyo laa. M maŋ ñina i la yaamaroo la.

Jabuuroolu 40:17

Maariyo, nte korita le, aduŋ m mu fentaŋo le ti, bari i ye n hati le. Ite le mu m maakoyilaa ti, aniŋ n kiisalaa. Hee n na Alla, kana mee ka m maakoyi.

Yesaya 53:3

Moolu jututa a la le, ì ye i baŋ a to, moo le mu meŋ ye dimoo niŋ kuuraŋo taki. Ǹ jututa a la le, m̀ maŋ a muta feŋ ti ko moolu maŋ lafi ka moo meŋ je.

Kuma Kotoomaalu 19:1

Ka ke fuwaaroo ti, i ye ke moo tilindiŋo ti, le fisiyaata, ka ke toolewo ti meŋ ka tu faniyaa fo la.

Jabuuroolu 119:176

N taata le taariŋ komeŋ saajii filiriŋo. N ñini, nte mu i la dookuulaa le ti, aduŋ m maŋ ñina i la yaamaroolu la.

Jabuuroolu 119:16

N ka seewoo i la kumakaŋolu la le, n te ñina la i la kumoolu la. Kimel