Jabuuroolu 118:7 - Mandinka Bible

⁷ Yaawe be m fee le ka m maakoyi, aduŋ n ñaa be n jawoolu la boyoo je la le.

Jabuuroolu 118:7 ပူးပေါင်းရင်းမြစ်များ

Jabuuroolu 59:10

N na Alla be naa n kaŋ ne, a la kanu bambaloo kamma la. A be n jerindi la n jawoolu la boyoo la le.

Jabuuroolu 54:4

Tooñaa-tooñaa, Alla le mu m maakoyilaa ti, Maariyo le mu n niyo kantalaa ti.

Jabuuroolu 54:7

I ye m bondi n na mantooroolu bee kono le, aduŋ n ñaa ye n jawoolu la boyoo je le.

Jabuuroolu 55:18

A be n niyo tankandi la kayira kono le, ka bo m be keloo meŋ kono, kaatu moo jamaa le ka n kele.

Jabuuroolu 112:8

A sondomoo ka tenkuŋ ne, aduŋ a buka sila, fo luŋo meŋ na a be a jawoolu la boyoo je la.

Jabuuroolu 92:11

N ñaa ye n jawoolu la boyoo je le, ŋa wo konnantee jawoolu woosiikaŋo moyi le.

1 Taarika 12:18

Bituŋ wo to le Yaawe la Nooroo jiita Amasayi kaŋ kelejawara taŋ saboo ñaatonkoo, bituŋ a ko, “Hee Dawuda Yese dinkewo, ntolu mu i fansuŋ moolu le ti! Neemoo be i niŋ i la kafoo ye, aduŋ neemoo be moo-wo-moo ye meŋ kafuta i ma ka i maakoyi, kaatu Alla be ali fee le.” Wo to le Dawuda sonta ì ye kafu a ma, aduŋ a ye ì ke a la kelediŋ kafu ñaatonkoolu ti.

Jabuuroolu 54:6

M be fankadaŋ sadaa* bo la i ye le. Hee Yaawe*, m be i tentu la le ka bo niŋ i too la, kaatu i beteyaata baake le.

Jabuuroolu 59:11

Dukaree Alla, kana ì bee faa ñoo la, niŋ wo nte n na moolu si ñina. Ì janjandi i semboo la, i ye ì boyindi, kooni Maariyo, ǹ na tankandirilaa.

Yesaya 41:13

Kaatu nte le mu Yaawe ali la Alla ti, meŋ ye ali bulubaa buloo muta ka ali tanka. Ŋa a fo ali ye le ko, ‘Ali kana sila, m be ali maakoyi la le.’