Jabuuroolu 118:19 - Mandinka Bible

¹⁹ Ali dundaŋ daa yele n ye, moo tilindiŋolu si duŋ daameŋ, fo n si duŋ konoto ka jayiroo dii Yaawe la.

Jabuuroolu 118:19 ပူးပေါင်းရင်းမြစ်များ

Yesaya 26:2

Ali saatee dundaŋ daalu yele, bankoo moo tilindiŋolu ye duŋ mennu ye lannoo soto.

Lankenemoo 22:14

Barakoo be moolu le ye, mennu ye ì la duŋ feŋolu kuu fo ì si taa noo yiroo to, meŋ ka baluwo dii, aniŋ ì si duŋ noo saatewo kono, ka bo niŋ a dundaŋ daalu la.

Jabuuroolu 100:4

Ali niŋ jayiroo ye duŋ niŋ a Batudulaa Buŋo* daa la, ali niŋ tenturoo ye duŋ a la luwo to, ali ye a jayi, ali ye a tentu niŋ a too la.

Yesaya 38:22

Hesekiya ye Yesaya ñininkaa le ko, “Muŋ ne be ke la taamanseeroo ti ko, m be taa Yaawe Batudulaa Buŋo to le?”

Yesaya 38:20

Yaawe be n tankandi la le, aduŋ m̀ be suukuwolu laa la kooraalu le la, Yaawe Batudulaa Buŋo* to, m̀ baluu tiloolu bee la.

Jabuuroolu 95:2

Ali naa ŋà taa Yaawe ñaatiliŋo la ǹ niŋ tenturoo, ka suukuwo laa seewoo kono.

Jabuuroolu 68:5

Alla be a taradulaa senuŋo kono le, ate le mu aliyatiimoolu faamaa ti, aniŋ furuyaamusoolu la kiitiiteyilaa.