Jabuuroolu 116:7 - Mandinka Bible

⁷ Silaŋ n sondomoo si tenkuŋ, kaatu Yaawe ye beteyaa doroŋ ne yitandi n na.

Jabuuroolu 116:7 ပူးပေါင်းရင်းမြစ်များ

Jabuuroolu 13:6

M be suukuwo laa la ite Yaawe ye le, kaatu i ye beteyaa doroŋ ne yitandi n na.

Yeremiya 30:10

“Wo to ali kana sila, alitolu Yaakuba koomalankoolu, n na dookuulaalu, sako ka jikilateyi, alitolu Banisirayilankoolu.” Yaawe le ye a fo. “Kaatu ko, m be ali kiisa la naŋ dulaa jamfariŋo to le, ka ali koomalankoolu bondi naŋ ì mutadulaa bankoo kaŋ. Yaakuba koomoo be muru la naŋ ne ka tenkuŋo niŋ tankoo soto, aduŋ moo te a silandi noo la.

Yeremiya 6:16

Yaawe ye ñiŋ ne fo ko: “Ali loo sila fatoolu to, ali ye juubeeroo ke, ali sila kotoolu la kuu ñininkaa, ali ye ñininkaari ke sila betoo la, ali ye taama a la, wo to le ali niyo si dahaa soto. Bari ali ko ali te wo le ke la.

Jabuuroolu 119:17

Yaawe, beteyaa nte fee, i la dookuulaa, fo n si baluu ka i la kumoo muta.

Jabuuroolu 95:11

Bituŋ n kamfaariŋo kalita ì ye ko, ì te futa la n na dahaa dulaa to.”

Hoseya 2:7

A si a tuluŋñoolu bayindi, bari a te ì soto noo la, a si ì ñini, bari a te ì je noo la. Bituŋ a si a fo ko, ‘M be taa le, ŋa muru n kee foloo kaŋ, n wo waatimaa le fisiyaata n saayimmaa ti.’