Jabuuroolu 116:2 - Mandinka Bible

² Bayiri a ye a tuloo loo n na le, wo to luŋ-wo-luŋ m be kali a kumandi la le, niŋ m be n niyo la.

Jabuuroolu 116:2 ပူးပေါင်းရင်းမြစ်များ

Jabuuroolu 40:1

N tarata Yaawe* la maakoyiroo batu kaŋ muñoo kono le. A ye a tuloo loo n na, aduŋ a ye n kumboo kaŋo moyi le.

Filipinkoolu 4:6

Ali kana ali niyo toorandi jaakaloo la, bari ali si ali la suuloolu bee fo Alla ye, duwaa niŋ daaniroo kono, ali niŋ tenturoo.

Luka 18:1

Yeesu ye mansaaloo doo fo ì ye ka ì karandi ko, ì ñanta duwaa la le waati-wo-waati, aduŋ ì kana jikilateyi.

Jabuuroolu 31:2

I tuloo tu n to, i ye m bondi katabake. Ke n ye semberaŋ beroo ti, aniŋ tata bambandiŋo, ka n tankandi.

Kolosankoolu 4:2

Ali tu duwaa la, aduŋ ali si koroosiroo ke a kono, ali niŋ tenturoo.

Jabuuroolu 88:1

Hee Yaawe* Alla, n na kiisandirilaa, n ka kumboo i ye le suutoo niŋ tiloo.

Yuuba 27:10

Fo a si seewoo ñini Alla Tallaa bulu baŋ? Fo a be tara la Alla too kumandi la le waati-wo-waati?

Jabuuroolu 28:6

Tenturoo be Yaawe ye, kaatu a ye n kumboo kaŋo moyi le, biriŋ m be maakoyiri ñiniŋo la.

Jabuuroolu 31:3

Bayiri i mu n ye semberaŋ beroo niŋ tatoo le ti, n kenkeŋ, i ye n kanta, i too kamma la.

Yunusa 2:3

I ye m fayi diinoŋo le to, ka taa fo baa duumoo to, daameŋ jiyo be m baloo karoo bee la, aduŋ i la baa baliŋo semboo bee ka naa n kaŋ ne.