Jabuuroolu 116:10 - Mandinka Bible

¹⁰ N kumata m faŋ ma ñaa-wo-ñaa ko, “Nte bataajawuta le,” bari n tuta dankeneyaariŋ ne.

Jabuuroolu 116:10 ပူးပေါင်းရင်းမြစ်များ

2 Korintinkoolu 4:13

Ko a be safeeriŋ ñaameŋ ko: “Nte laata le, bituŋ ǹ diyaamuta.” Baawo ntolu niŋ ate ye wo lannoo noora kiliŋo le soto, m̀ fanaa diyaamuta le, kaatu ǹ laata le.

Hiburunkoolu 11:1

Lannoo mu muŋ ne ti? Wo mu ka laa bambandinke kuwo la, i jikita meŋ na, aniŋ ka kuwo muta tooñaa ti, i buka meŋ je.

2 Pita 1:21

Kaatu hadamadiŋo ye kiilaariyaa kuma-wo-kuma fo, wo maŋ bo niŋ a faŋo la miiroo la, bari Noora Kuliŋo le ka mara a la ka Alla la kumoo fo.

Kuma Kotoomaalu 21:28

Seedenduroo be kasaara la le, bari lamoyilaa kendoo le ka tooñaa fo.

2 Pita 1:16

Biriŋ m̀ be Maarii Yeesu Kiristu la murunaŋo la semboo seedeyaa la ali ye, m̀ maŋ taaliŋ kenseŋolu nooma, mennu mu hadamadiŋ feeroo niŋ ñaameŋo ti. Ŋà a la kallankeeyaa meŋ bankee ali ye, ŋà wo je m̀ fansuŋ ñaalu le la.