Jabuuroolu 115:12 - Mandinka Bible

¹² Yaawe hakiloo ka tu ǹ kaŋ ne, aduŋ a be neema la m̀ ma le, a be neema la Banisirayilankoolu ma le, aniŋ Haaruna koomalankoolu bee.

Jabuuroolu 115:12 ပူးပေါင်းရင်းမြစ်များ

Jabuuroolu 136:23

Ali Yaawe tentu, a maŋ ñina ǹ na, kabiriŋ m̀ be jutunnayaa kono, a la kanu bambaloo be tu la le fo abadaa.

Efesusinkoolu 1:3

Tenturoo niŋ jayiroo be Alla ye, m̀ Maarii Yeesu Kiristu Faamaa. A neemata m̀ ma, Nooroo la neemoolu bee le la, mennu be Arijana dinkiraalu kono, neemoolu mennu bee sotota ka bo niŋ Kiristu la.

Yesaya 44:21

Yaawe ko: “Hee Yaakuba, ali kana ñina ñiŋ kuwolu la, kaatu alitolu mu n na dookuulaalu le ti, Banisirayila. Nte le ye ali daa, ali mu n na dookuulaalu le ti. Hee Banisirayila, n te ñina la ali la.

Kalatiyankoolu 3:29

Aduŋ niŋ ali mu Kiristu taalu ti, wo to ali mu Iburayima koomalankoolu niŋ a keetaalaalu le ti laahidoo kamma la.

Jabuuroolu 67:7

Alla neemata m̀ ma le, wo to moolu be duniyaa fannaa daa-wo-daa, ì si Alla ñaasilaŋo soto.

Kalatiyankoolu 3:14

Ñiŋ keta le fo neemoo, Alla ye meŋ laahidi Iburayima ye, a si naa ka bo niŋ Kiristu Yeesu la, moolu ye mennu maŋ ke Yahuudoolu ti, aniŋ fo ǹ si Nooroo soto noo, a ye meŋ laahidi, ka bo niŋ lannoo la.

Jabuuroolu 25:7

Kana i miira tawunteeyaa junuboolu la, ŋa mennu ke n na fondinkeeyaa waatoo kono. Hee Yaawe, i miira n na i la kanu bambaloo kamma la, aniŋ i la beteyaa.

1 Musa 8:1

Alla ye kalamutari ke Nuha la kuwo la le, wulakono daafeŋolu aniŋ beeyaŋolu, mennu bee be a fee kuluŋo kono. Alla ye foñoo bula naŋ duniyaa kono, bituŋ jiyo talaata.

Kiilaalu 3:26

“Alla ye a la dookuulaa Yeesu kii alitolu le foloo kaŋ, aduŋ a ye a wulindi saayaa kono, fo a si neema ali ma, niŋ ali ye ali koo dii ali la kuruŋyaa la.”

Kiilaalu 10:4

Kooneliyus ye a ñaalu loo a kaŋ, a kijafaratoo. A ko a ye a ko, “Maariyo, muŋ ne mu?” Bituŋ malaayikoo ko a ye ko, “Alla hakiloo be i la duwaalu niŋ sadaalu kaŋ ne.

4 Musa 6:27

Ì be kali duwaa la n too la Banisirayilankoolu ye teŋ ne, bituŋ n si naa neemoo dii ì la.

Jabuuroolu 135:19

Alitolu Banisirayilankoolu, ali Yaawe tentu, alitolu Haaruna koomalankoolu, ali a tentu.