Jabuuroolu 115:1 - Mandinka Bible

¹ Yaawe*, ite le too ñanta kuliyaa la, a maŋ ke ntolu ti, i la kanu bambaloo niŋ i la tiliŋo kamma la.

Jabuuroolu 115:1 ပူးပေါင်းရင်းမြစ်များ

Yesaya 48:11

Ŋa a ke n too la kuwo le kamma, n te soŋ na n too ye tiñaa, aduŋ n niŋ doo koteŋ te deŋ na n na kallankeeyaa* la.”

Esekiyeli 20:14

Bari m maŋ naa wo ke, kaatu wo be ke la n ye tookuyaa le ti. Wo bantala bankoolu* bee ye a je le ŋa Banisirayilankoolu bondi naŋ Misira bankoo kaŋ ñaameŋ.

Jabuuroolu 96:8

Ali Yaawe too la waroo niŋ a la semboo fo, ka horomoo dii a la. Ali ali la sadaalu* samba naŋ, ali naa a batudulaa luwo to.

Esekiyeli 36:32

Ali si ñiŋ loŋ ko, a maŋ ke ali la kuwo le ye a tinna m be ñiŋ ke la. Banisirayilankoolu, ali ñanta malu la le kendeke, ali daajika jawoo la le.” Maarii Yaawe le ye a fo.

Efesusinkoolu 1:6

fo ǹ si a jayi a la hiinoo la meŋ kallankeeyaata*, a ye meŋ dii ǹ na ka bo niŋ a Kanu Dinkewo la.

Esekiyeli 36:22

Wo kamma la, Maarii Yaawe ye ñiŋ ne fo ko: “A fo Banisirayilankoolu ye ko: M pareeta kuwolu mennu ke la, a maŋ ke ko ali la kuwo le ye a tinna m be wolu ke la, bari n too senuŋo kamma la, bayiri ali taata bantala bankoolu mennu bee kaŋ, ali ye jutunnayaa le samba n too senuŋo kaŋ jee.

Daniyeli 9:19

Yaawe, i lamoyi ǹ na, i ye yamfa ǹ ye. Ǹ na duwaa muta, i ye kuu ke ǹ ye. M̀ Maarii Alla, kana kuwo mendi, i faŋo too kamma la. Ñiŋ moolu mu i fansuŋ moolu le ti, aduŋ i too le be saatewo ñiŋ kunna.

Jabuuroolu 61:7

Hee Alla, Allamaa a la maraloo noo ye tu i ñaa koto fo fawu. Kaayaa a ye, ka i la kanu bambaloo niŋ i la tiliŋo yitandi a la.

Yosuwa 7:9

Niŋ Kanaaninkoolu niŋ moo koteŋolu mennu be bankoo kaŋ, ye ñiŋ moyi, ì be naa ñapi la ǹ kaŋ ne, ì ye ǹ toolu buruka duniyaa kono. I be muŋ ne ke la, fo i too la waroo si loŋ?”

Yohana 1:17

Kaatu Luwaa diita ka bo Musa le la, bari hiinoo niŋ tooñaa naata ka bo Yeesu Kiristu* le la.

Mika 7:20

I be hiina la ǹ ye le, ka i la kanu bambandiŋo yitandi ǹ na, ko i kalita a la ñaameŋ m̀ mumuñolu ye, Iburayima niŋ Yaakuba, m̀ bonsuŋolu, biriŋ waati jaŋ koomanto.

Jabuuroolu 74:22

Hee Alla, i faŋo ye wuli i ye i la kuwo makatoo bayi. I miira toolewolu ka tu i ñaawali la ñaameŋ waati-wo-waati.

Jabuuroolu 138:2

M be sujudi la i la buŋ senuŋo ñaatiliŋo la le, m be i tentu la i too la le, i la kanu bambaloo niŋ i la tiliŋo kamma la. Kaatu i ye i too niŋ i la laahidoo le kuliyandi ka tambi feŋo bee la.