3 Kulunjumbe Baa ye a je le, a borita, Yoridani Boloŋo ñorita a koo la.
Kooni Alla, biriŋ baajiyolu ye i je ì silata le, fankaasoo diinoŋñaalu jarajarata le.
Wo to le Musa ye a buloo coodi baa kunto, aduŋ wo suutoo muumee Yaawe ye foño baa wulindi tiliboo la, a ye baa yelemandi banku jaaroo ti. Jiyo talaata fula ti,
Ite le taamata baajiyo kono, i niŋ i la suwoolu, baajiyo bee kankanta.
A la sembe baa le tarata Musa bulubaa karoo la. A ye jiyo talaa fula ti ì ñaato, ka a too darajandi fo abadaa.
A la yaamaroo kaŋ, Kulunjumbe Baa jaata, bituŋ a ye ì tambindi baa teema la banku jaaroo kaŋ.
I naata kuma jiyo ye, a borita. Biriŋ i bumbunta a kaŋ, a kidita ka taa.
Ite le ye woyoolu niŋ boloŋolu ñaapuuloolu fetendi, i ye boloŋ jaabaloolu jandi le.
I la niijiyo semboo ye baajiyo moolondi santo, a loota komeŋ sansaŋo, jiyolu mennu be baa dulaa diinondiŋ baa to, naata bambaŋ.
Tawaloolu ye sanjoo soo, saŋ feteŋo kumata naŋ santo, saŋ ŋalasoo kalabeñemaa ŋalasita karoo bee la.