Jabuuroolu 113:8 - Mandinka Bible

⁸ A ka ì niŋ maralilaalu le kafuñooyandi, mennu mu a la moolu la ñaatonkoolu ti.

Jabuuroolu 113:8 ပူးပေါင်းရင်းမြစ်များ

1 Musa 41:41

Firawoona ko Yusufa ye ko, “A fele, ŋa i marandi Misira bankoo bee le ma.”

Yuuba 36:7

A buka ñina moo tilindiŋolu la muk, a ka ì ke le ko mansakewo meŋ tarata siiriŋ a la mansasiiraŋo kaŋ fo fawu, a niŋ kuliyaa.

Jabuuroolu 45:16

Mansa, i koomalankoolu be ke la mansoolu le ti ko i mumuñolu, aduŋ ì be ke la maralilaalu le ti bankoo bee kaŋ.

Jabuuroolu 68:13

Alitolu doolu ye ali faŋolu yeebu kuu saajii koorewolu kono ñaa-wo-ñaa, Banisirayila puraamaa ñarandita kodiforoo le la, a dampaŋolu ñarandita saniforoo la.

1 Samuweli 2:8

A ka fuwaaroolu bondi naŋ suntukuŋo to le, aduŋ a ka fentaŋolu dahandi. A ka ì niŋ mansariŋolu sindi, aduŋ ì ka ke le ko, niŋ ì ye mansa la horomoo le keetaa. Duniyaa la fondamaŋolu keta Yaawe le taa ti, wolu kaŋ a ye duniyaa daa.