Jabuuroolu 112:1 - Mandinka Bible

¹ Ali Yaawe* jayi. Barakoo be moo le ye meŋ ye Yaawe ñaasilaŋo soto, meŋ ka seewoo baake a la yaamaroolu mutoo la.

Jabuuroolu 112:1 ပူးပေါင်းရင်းမြစ်များ

Jabuuroolu 128:1

Barakoo be moo le ye, meŋ silata Yaawe* la, meŋ ka taama a la siloo la.

Yesaya 50:10

Jumaa le be alitolu kono meŋ silata Yaawe la, aniŋ ka a la dookuulaa la yaamaroo muta? Moo meŋ be diboo kono a maŋ mala soto, ñanta dankeneyaa soto la Yaawe la le, a ye i tuuku Alla la.

Luka 1:50

A ka a la balafaa yitandi a ñaasilannaalu le la, ka bo jamaani ka taa jamaani.

Jabuuroolu 119:35

N kenkeŋ ka taama i la yaamaroolu la, kaatu n ka seewoo ì la le.

Jabuuroolu 145:19

A ka moolu bee la suuloo timmandi le, mennu ye a kuliyaa. A ka ì la woosiyolu moyi le, a ye ì tankandi.

Jabuuroolu 111:10

Yaawe ñaasilaŋo le mu londoo kuŋo ti. Wo ka fahaamuroo dii moolu bee le la, mennu ka a la yaamaroolu muta. A be tu la jayi la le fo abadaa.

Roomankoolu 7:22

N sondomoo kono, ŋa Alla la Luwaa kanu le,

Jabuuroolu 119:97

Nte ŋa i la karandiroo kanu le famfaŋ, aduŋ n ka m miira a la le luŋ-wo-luŋ.

Jabuuroolu 150:1

Ali Yaawe* jayi. Ali Alla jayi a la Arijanoo kono, ali a jayi saŋ fatoo kono, a la tata baa.

Jabuuroolu 147:1

Ali Yaawe* jayi. Ka ǹ na Alla jayi niŋ suukuwolu la, wo mu kuu kende le ti. Ka a jayi, wo mu kuu diimaa le ti, aduŋ a ñanta le.

Jabuuroolu 119:143

Mantooroo niŋ niikuyaa le laata n kaŋ, bari i la yaamaroolu le ka n seewondi.

Jabuuroolu 40:8

N hameta le ka i la lafoo taamandi, kaatu i la karandiroo be n sondomoo kono le, n na Alla.”

Roomankoolu 8:6

Ka i hakiloo tu i fansuŋ hame kuwolu kaŋ, wo ka saayaa le saabu, bari ka i hakiloo tu Alla la Nooroo la kuwolu kaŋ, wo ka baluwo niŋ kayiroo le saabu.

Jabuuroolu 119:16

N ka seewoo i la kumakaŋolu la le, n te ñina la i la kumoolu la. Kimel

Jabuuroolu 119:14

N ka seewoo i la yaamaroolu mutoo la le, ka tambi naafulu baa sotoo la.

Jabuuroolu 111:1

Ali Yaawe* jayi. M be Yaawe tentu la niŋ n sondomoo bee le la, a la moo tilindiŋolu la beŋo to.

2 Musa 1:21

Kaatu ì silata Alla la le, bituŋ a ye ì fansuŋ dimbaayaalu dii ì la.

5 Musa 28:3

A si neema ali ma ali la saatewolu kono, a ye neema ali ma ali la kunkoolu kono.

1 Mansoolu 18:3

Bituŋ Ahabu ye Obadiya kumandi, meŋ marata mansasuwo ma. Obadiya mu moo le ti meŋ na lannoo bambanta Yaawe la karoo la.

Kawandilaa 8:12

Moo kuruŋo ka kuruŋyaa kuu keme baara le, hani wo, a ye tara siimaayaariŋ fo waati jaŋ. Wo ñaa-wo-ñaa, ŋa a loŋ ne ko, kayiroo be tara la Alla ñaasilannaalu le ye, mennu ye Alla la kuwo buuñaa.