Jabuuroolu 111:4 - Mandinka Bible

⁴ Yaawe ye a la kaawakuwolu londi le, ka a je ko, moolu te ñina la ì la. A hiinanteeyaata le, aduŋ a balafaa warata.

Jabuuroolu 111:4 ပူးပေါင်းရင်းမြစ်များ

Yesaya 63:7

Yaawe ye kanu bambaloo meŋ yitandi, m be a kankulaa la le, aniŋ ŋa a jayi kuwolu to, a ye mennu bee ke. M be Yaawe jayi la le, a ye kuu kende jamaalu mennu dii ǹ na, aniŋ a ye beteyaa meŋ yitandi ntolu Banisirayilankoolu la, kaatu a ye balafaa le soto ǹ ye, aduŋ a ye ǹ kanu le fo a maŋ dandulaa soto.

Jabuuroolu 103:8

Yaawe balafaa warata le, a hiinanteeyaata. A buka kamfaa juuna, a la kanu bambaloo maŋ dandulaa soto.

Jabuuroolu 86:5

Maariyo, ite beteyaata le, aduŋ i ka yamfa, i ka tu kanu bambaloo le yitandi la moolu la mennu ka i daani.

Jabuuroolu 145:8

Yaawe hiinanteeyaata le, aduŋ a la balafaa warata, a buka kamfaa juuna, a la kanu bambaloo maŋ dandulaa soto.

Jabuuroolu 112:4

Hani diboo kono maloo ka ke moo kendoo ye le, moo meŋ balafaa warata, a konotoo diyaata, aduŋ a tilinta.

Jabuuroolu 78:38

Hani wo, ate ye balafaa soto ì ye le. A yamfata ì la junuboolu la le, a maŋ ì kasaara. A ka muña a la kamfaa kaŋ ne siiñaa jamaa, a buka a fijoo jindi ì kaŋ.

Jabuuroolu 86:15

Bari Maariyo, ite mu Alla le ti meŋ balafaa warata, aduŋ i hiinanteeyaata, i buka kamfaa juuna, i la kanu bambaloo niŋ i la tiliŋo maŋ dandulaa soto.

1 Timoti 1:14

M̀ Maariyo la hiinoo warata nte kaŋ ne, n naata lannoo niŋ kanoo soto Kiristu Yeesu kono.

5 Musa 4:9

Wo to ali ali hakiloo tu baake, ali kana ñina kuwolu la, ali ñaalu seedeyaata mennu la. Ali la baluwo bee kono, ali kana soŋ wolu ye bo ali sondomoo kono. Ali si a saata ali diŋolu niŋ ali mamariŋolu ye.

2 Taarika 30:9

Niŋ ali muruta naŋ Yaawe kaŋ, mennu ye ali baadiŋolu niŋ ali diŋolu muta, ì be balafaa soto la ì ye le, aduŋ ì be muru la naŋ ñiŋ bankoo kaŋ ne, kaatu Yaawe, ali la Alla balafaa warata, aduŋ a hiinanteeyaata. Niŋ ali muruta naŋ a kaŋ, a te a koo dii la ali la muk.”