Jabuuroolu 111:2 - Mandinka Bible

² Yaawe la keroolu kaawakuuyaata le. Moolu mennu bee ka seewoo ì la, ì ka lafi le ka i miira ì la.

Jabuuroolu 111:2 ပူးပေါင်းရင်းမြစ်များ

Jabuuroolu 104:24

Kooni Yaawe, i ye meŋ daa a siyaata le. I ye ì bee daa i la ñaameŋo le kono. Duniyaa be faariŋ i la daafeŋolu le la.

Kuma Kotoomaalu 24:14

A loŋ fanaa ko, ñaameŋo be i fee wo le ñaama, niŋ i ye a soto, ñaato siniŋ jiki be tara la i ye le, aduŋ i la jikoo te bo la i koto.

Jabuuroolu 143:5

N hakiloo muruta tiloolu le kaŋ mennu tambita waati jaŋ koomanto, ŋa m miira i la keroolu bee la le, ŋa n hakiloo duŋ ne i ye kuwolu mennu ke.

Jabuuroolu 139:14

Ŋa i tentu le, kaatu i ye n daa ñaameŋ, a jaakaloo warata le, aduŋ a kaawakuuyaata. I la keroolu tambita n kunna le. Nte ye wo loŋ ne kendeke.

Lankenemoo 15:3

Ì be Annabilayi Musa la suukuwo laa kaŋ, meŋ mu Alla la dookuulaa ti, aniŋ Saajiiriŋo la suukuwo. Ì be a fo kaŋ ko: “Ite Maariyo, Alla Mansa Tallaa, i la baara kuwolu warabaata le, ì kaawakuuyaata. Ite mu Mansa le ti nasiyoŋolu bee kunto, i la siloolu mu tiliŋo niŋ tooñaa le ti.

Efesusinkoolu 1:19

Allamaa ali ye Alla la sembe baa kataŋo fanaa loŋ, meŋ be ntolu lannamoolu ye. Alla ka dookuwo ke ǹ kono a la wo sembe baa le la,

Daniyeli 4:3

Alla la taamanseeroolu warata le, a la kaawakuwolu ka a la sembe baa le yitandi. A la mansabaayaa be tu la le fo abadaa, aduŋ a la noo le be tu la jamaanoolu bee la.

Kawandilaa 3:11

Alla ye kuwo bee ke a tumoo le la, aduŋ a ñiiñaata. A ye hadamadiŋo hakilimaayandi badaa-badaa baluwo la kuwo la le, bari hani wo, Alla la keroo, hadamadiŋo buka a fahaamu noo, a foloodulaa te, sako a labandulaa.

Kuma Kotoomaalu 17:16

Muŋ ne ye a tinna toolewo ñanta kodoo soto la ka ñaameŋo saŋ, niŋ a maŋ a ŋaniya ka karaŋo ke?

Roomankoolu 8:6

Ka i hakiloo tu i fansuŋ hame kuwolu kaŋ, wo ka saayaa le saabu, bari ka i hakiloo tu Alla la Nooroo la kuwolu kaŋ, wo ka baluwo niŋ kayiroo le saabu.

Roomankoolu 1:28

Baawo ì tawuta le, ì ye ì ñaa kaasi Alla la, Alla ye ì tu ì la sondome kuu nooriŋolu kono, fo ì ka kuwolu ke, ì maŋ ñaŋ na mennu ke la.

Yuuba 37:7

Wo ñaama, a ka foñondiŋo dii hadamadiŋo bee la ì la dookuwolu to, ka a yitandi ì la, a ye meŋ noo.

Yuuba 9:10

A la kuu baalu, a ka mennu ke, buka tara ǹ ye londaa to, aduŋ a la kaawakuwolu te yaatee noo la.

Yuuba 5:9

Ate le mu kaawakuu baalu kelaa ti, mennu buka tara loŋo daa to, aniŋ jaakali kuwolu mennu buka yaatee noo.

Yesaya 40:12

Jumaa le si baajiyo sumaŋ noo niŋ a buluñaa la, waraŋ ka saŋ fatoolu la waroo sumaŋ niŋ a buluteetee la? Jumaa le si ñiŋ duniyaa kankaŋo bee sumaŋ noo niŋ sinsiŋo la, waraŋ ka konko baalu niŋ konkoriŋolu peesa niŋ peesarilaŋo la?

Jabuuroolu 107:43

Moo-wo-moo ñaamenta, a si a hakiloo tu ñiŋ kuwolu to, ka i miira Yaawe la kanu bambaloo la.

Jabuuroolu 104:34

Allamaa n na miiroo ye Yaawe kontaani, kaatu a la kuwo le ka n seewondi.

Yuuba 37:14

Yuuba, i lamoyi ñiŋ kumoo la! Tenkuŋ, i ye miirali ke kaawakuwolu la, Alla ye mennu ke.

Jabuuroolu 118:15

Ali seewoo niŋ maakaŋo moyi kuma la Alla la moolu la daakaalu to, kaatu ì ye nooroo ke keloo to le, ì ko: “Yaawe semboo warata le, aduŋ ate le ka nooroo ke.