Jabuuroolu 110:6 - Mandinka Bible

⁶ A be kiitiyo taamandi la banku koteŋolu kaŋ ne, ka ì fandi moo furewolu la. A be maralilaalu kasaara la duniyaa karoo bee le la.

Jabuuroolu 110:6 ပူးပေါင်းရင်းမြစ်များ

1 Musa 3:15

M be jawuyaa juloo le duŋ na i niŋ musoo teema, ka taa fo i koomoo aniŋ a koomoo. A koomalankoo be dori la i kuŋo kaŋ, i fanaa be a kiŋ na a tonkoliŋo to.”

Jabuuroolu 68:21

A be koyiriŋ ne ko, Alla be a jawoolu kuŋolu teyi la le, wo kuŋ ñandiŋolu, mennu ka tu ì la junube siloolu kaŋ.

Jabuuroolu 68:22

Maariyo ko, “M be n jawoolu murundi la le ka bo Basani. M be ì murundi la le ka bo fankaasoo duumoolu to.

Yesaya 11:3

Yaawe ñaasilaŋo, wo le be ke la a la kontaani kuwo ti. A buka kiitiyo kuntu ka bo niŋ moo muluŋo la, waraŋ moyilaa moyi kumoo.

Yesaya 2:4

A be kiitiyo kuntu la bankoolu teema le, aduŋ a be fitinoo daa faa la moo jamaa ye. Ì be ì la hawusaroolu* tunkaŋ na le, ka ì ke senedaboolu ti, ì la sooroolu ye ke katirilaŋolu ti. Banku te hawusari sika la banku kamma, sako ì si moo karandi keloo keñaa la kotenke.

Yesaya 42:1

Yaawe* ko: “N na dookuulaa fele, ŋa meŋ na kuwo bambandi. Ŋa ate le tomboŋ, aduŋ a la kuwo ye n seewoo le. M be n na Nooroo jindi la a kaŋ ne, aduŋ a be kiitii tilindiŋo naati la bankoolu kaŋ ne.

Yesaya 42:4

A te keerikeeri la waraŋ ka jikilateyi, fo niŋ a ye tiliŋo londi ñiŋ duniyaa kono. Moolu mennu be banku jamfariŋolu to, be tara la ñaaniriŋ a la luwaalu le la.”

Yesaya 51:5

N na tiliŋo ka sutiyaa naŋ tariyaarinke le, n na kiisoo be siloo kaŋ naŋ ne, aduŋ n semboo le be kiitiiteyoo naati la bankoolu kaŋ. Banku jamfariŋolu be n lamoyi la le, ì ye ì jikoo loo n semboo kaŋ ka ì maakoyi.

Yesaya 66:24

Aduŋ ì be taa le ka moolu furewolu juubee mennu balanta n na. Tumboolu mennu be ì domo la, te faa la muumeeke, aduŋ dimbaa meŋ be ì jani la, nene te faa la. Hadamadiŋolu ñewuntoo le be ì juubee la.”

Esekiyeli 39:4

Ite niŋ i la kelediŋ kafu baa aniŋ i deŋñoolu bee be faa la wo konkoolu le kaŋ, ali ye naa ke duwoolu niŋ wulakono daafeŋolu ye domoroo ti.

Mika 4:3

A be kiitiyo kuntu la bankoolu teema, aduŋ ate le fanaa be fitinoo daa faa la banku sembemaalu teema, ka taa fo dulaa jaŋ. Ì be ì la hawusaroolu* tunkaŋ na le ka ke senedaboolu ti, ì la sooroolu ye ke katirilaŋolu ti. Banku te hawusari sika la banku kamma, sako ì si moo karandi keloo keñaa la kotenke.

Habakuki 3:13

I naata le ka i la moolu kanandi, ka i la moo tombondiŋo tanka. I ye moo kuruŋolu ñaatonkoo kasaara le, ka a bulu kenseŋyandi. S

Yohana 5:22

A Faamaa buka moo-wo-moo kiitindi, bari a ye kiitindiroo bee dii a Dinkewo le la,

Lankenemoo 14:20

Aduŋ ì dorita wo yiridinjii bitidulaa kono, saatewo banta la. Bituŋ yeloo naata woyi ka bo yiridinjii bitidulaa to. A jamfata santo ka futa fo suwoolu la karafewolu to, aduŋ a la karajamfoo niŋ kilomeetari keme saba si kaañaŋ.

Lankenemoo 19:11

Bituŋ ŋa Arijana je yeleriŋ, suu koyoo be jee. A borindilaa meŋ be siiriŋ a kaŋ, a ka kumandi Foroo niŋ Tooñaa le la. A ka kiitiyo niŋ keloo ke niŋ tiliŋo le la.

1 Samuweli 2:10

Moolu mennu ye Yaawe soosoo, wolu be kasaara la le. A be sari la ì kaŋ ne ko saŋ feteŋo ka bo saŋo kono ñaameŋ. Yaawe be duniyaa bee kiitindi la le. A be semboo dii la a la mansa la le. A be a la tomboŋ moo la dawuloo wulindi la le.