Jabuuroolu 11:1 - Mandinka Bible

¹ M bambuta Yaawe* le kooma, wo to, muŋ ne ye a tinna ali ko n ye ko, “Tii ko kunoo, i ye taa konkoolu to.

Jabuuroolu 11:1 ပူးပေါင်းရင်းမြစ်များ

Jabuuroolu 25:2

N na Alla, ŋa n jikoo loo ite le kaŋ. Kana soŋ ŋa bula maloo kono. Kana n jawoolu bula ì ye jele n na.

1 Samuweli 23:14

Dawuda tuta maaboriŋ tatoolu le kono, mennu be keñewuloo* kono aniŋ konkotundoo* kaŋ Sifu keñewuloo kono. Waati-wo-waati Sawulu ka a kata le, ka a muta, bari Alla maŋ Dawuda duŋ a bulu.

Luka 13:31

Wo waati kiliŋo kono le, Farisee doolu naata Yeesu kaŋ. Ì ko a ye ko, “Bo jaŋ, i ye taa, kaatu Mansa Herodi lafita ka i faa.”

Kuma Kotoomaalu 6:5

fo niŋ i ye i faŋo kanandi, komeŋ minaŋo ka kana deemalaa ma ñaameŋ, komeŋ kunoo ka kana kaliŋo daa ñaameŋ.

Jabuuroolu 16:1

Hee Alla, n kanta, kaatu m be tuukuriŋ ite le la, ka n tankandi.

2 Taarika 16:8

Fo Kusinkoolu* niŋ Libiyankoolu maŋ kelediŋ jamaa niŋ keleraŋ sareeti* jamaa le soto baŋ, aniŋ kelediŋ jamaalu, mennu niŋ suwoolu mu? Bari biriŋ i sembeta Yaawe la, a ye a ke le, i ye wolu noo.

Jabuuroolu 31:14

Bari Yaawe, nte be jikiriŋ ite le la de, n ko ite le mu n na Alla ti.

Jabuuroolu 9:10

Moolu mennu ye ite loŋ famfaŋ, wolu be ì jikoo loo la i kaŋ ne. Yaawe, ite buka i koo dii moolu la mennu ka i ñini.

Jabuuroolu 7:1

Hee Yaawe, n na Alla, n ka tankoo ñini ite le bulu. M bondi n toorandilaalu bulu, i ye n kiisa ì ma.

2 Taarika 14:11

Asa woosiita Yaawe, a la Alla ye ko, “Yaawe, moo te keriŋ ko ite, meŋ si sembentaŋolu tanka sembemaalu ma. Hee Yaawe ǹ na Alla, m̀ maakoyi, kaatu ntolu be tuukuriŋ ite le la, aduŋ m̀ fintita naŋ i too le la ka ñiŋ kelediŋ kafu baa kele. Hee Yaawe, ite le mu ǹ na Alla ti, kana soŋ moo ye i loo i fee.”

1 Samuweli 20:38

Bituŋ a ko, “Kana tu looriŋ jee! I tariyaa!” Kambaanoo ye beñoolu tomboŋ, a muruta a la keebaa yaa.

1 Samuweli 27:1

Dawuda ko a faŋo ye ko, “Luŋ ne be soto la luŋolu kono, Sawulu be m faa la. N ñanta meŋ ke la, wo le mu ka bori Filisitinkoolu la bankoo kaŋ. Niŋ ŋa wo ke, Sawulu be i foño la le ka n ñini Banisirayila bankoo bee kaŋ, aduŋ m be kana la a ma le.”

1 Samuweli 22:3

Ka bo wo to le, Dawuda taata Misipa, meŋ be Mowabi bankoo kaŋ. A ko Mowabi mansa ye ko, “Dukaree! M baamaa niŋ m faamaa bula, ì ye naa sabati ali fee jaŋ, fo niŋ ŋa a loŋ, Alla be meŋ ke la n ye.”

1 Samuweli 19:11

Sawulu ye kewolu kii Dawuda la buŋo to, ka taa a juubee, fo soomandaa ì si a faa. Bari Dawuda la musoo Mikali ye a dandalaa le ko, “Niŋ i maŋ bori i niyo la bii suutoo, saama ì be i faa la le.”

Nehemiya 6:11

Ŋa a jaabi ko, “Kewo meŋ be ko nte si bori baŋ? Wo koolaa, moo meŋ be ko nte si taa noo Alla Batudulaa Buŋo kono baŋ, ka n niyo tankandi? N te taa.”

Jabuuroolu 7:2

Niŋ wo nte, ì jatamaalu si m faraŋ-faraŋ taariŋ, ì ye n janjaŋ, moo te n tankandi noo la.

Yeremiya 48:14

“Alitolu Mowabinkoolu, ali si a fo noo ali faŋ ye ñaadii le ko, ‘Ntolu mu kelejawaroolu le ti, aniŋ kelediŋ fatiŋolu’?