Jabuuroolu 109:22 - Mandinka Bible

²² Nte mu fuwaaroo le ti, aniŋ sembentaŋo, aduŋ m be toorariŋ n sondomoo kono le.

Jabuuroolu 109:22 ပူးပေါင်းရင်းမြစ်များ

Jabuuroolu 86:1

Hee Yaawe*, i lamoyi n na, i ye n danku, kaatu nte mu fentaŋo le ti, aniŋ moo koririŋo.

Jabuuroolu 102:4

N ka munta m faŋ fee le ko ñaama jaaroo, ì ye meŋ toñonka. M buka ñaani domoroo faŋo la.

Jabuuroolu 40:17

Maariyo, nte korita le, aduŋ m mu fentaŋo le ti, bari i ye n hati le. Ite le mu m maakoyilaa ti, aniŋ n kiisalaa. Hee n na Alla, kana mee ka m maakoyi.

Jabuuroolu 22:6

Bari nte wo maŋ ke moo ti, n ka munta le ko tumboo, moolu jututa n na, aduŋ ì ye n ke jelefeŋo ti.

2 Korintinkoolu 8:9

Ali ye m̀ Maarii Yeesu Kiristu* la hiinoo loŋ ne ko, a mu fankamaa le ti, bari hani wo, a naata ke fuwaaroo ti ali la kuwo kamma la fo ka bo niŋ a la fuwaareyaa la, alitolu si ke fankamaalu ti.

Yohana 12:27

“Saayiŋ, n niyo toorata le, n si muŋ ne fo? Fo n si a fo ko, ‘M Faamaa, n tankandi ñiŋ waatoo ma’? Hanii! Ñiŋ daliiloo le ye a tinna, n naata.

Luka 22:44

A duwaata kendeke niitooroo kono, aduŋ a taroo mulunta yele dotiŋ-dotiŋolu le la, mennu tondita bankoo to.

Matiyu 8:20

Bituŋ Yeesu ko a ye ko, “Kunkuwuloolu ye dinkoolu soto le, ì ka tara daameŋ to. Aduŋ kunoolu fanaa ye ñaŋolu soto le, ì ka tara daameŋ to. Bari Moo Dinkewo* maŋ hani dulaa soto, a be a kuŋo laa la daameŋ.”

Yesaya 53:3

Moolu jututa a la le, ì ye i baŋ a to, moo le mu meŋ ye dimoo niŋ kuuraŋo taki. Ǹ jututa a la le, m̀ maŋ a muta feŋ ti ko moolu maŋ lafi ka moo meŋ je.

Jabuuroolu 109:16

Bayiri ate maŋ i miira ka konotodiyaa yitandi, a ka fuwaaroolu le toorandi, sembentaŋolu, aniŋ moo jikilateyiriŋolu, ka ì faa.

Yuuba 6:4

Alla Tallaa ye m buŋ a la kalabeñoolu le la. Ì kunoo dunta n jaatoo kono. Alla ye silaŋ kuwolu le randi n kamma.

2 Mansoolu 4:27

Kabiriŋ a futata Elisa ma konkoo kaŋ, a ñoyita ka a siŋolu ñafu. Bari Kehasi wafuta naŋ ka naa a bondi Elisa siŋolu bala. Bari Elisa ko a ye ko, “A bula. Fo i maŋ a je a niyo be kuyaariŋ ñaameŋ baŋ? Bari Yaawe ye ñiŋ kuwo maabo m ma le, a maŋ a yitandi n na.”

Jabuuroolu 25:16

Yaawe, n juubee, i ye balafaa n ye, kaatu n kiideeta le, aduŋ n toorata.