Jabuuroolu 108:6 - Mandinka Bible

⁶ Ǹ na duwaa jaabi, ǹ kiisa i ye ǹ deemaa ka bo niŋ i bulubaa buloo la, ñiŋ kamma la i la kanu moolu si tanka.

Jabuuroolu 108:6 ပူးပေါင်းရင်းမြစ်များ

Kolosankoolu 3:12

Wo to, alitolu mennu mu Alla la tomboŋ moo senuŋolu niŋ kanuntewolu ti, ali ali la daajika kutoo duŋ, meŋ mu balafaa ti, mooyaa, fammajiyo, sooneeyaa aniŋ muñoo.

5 Musa 33:12

A ko Benjamini lasiloo la kuwo to ko, “Benjamini lasiloo, alitolu le mu Yaawe kanuntewo ti. Ali tarata a koto tankoo kono, a ye ali sansaŋ tankoo la waatoo bee, a ye ali duŋ a daboo koto.”

Efesusinkoolu 1:6

fo ǹ si a jayi a la hiinoo la meŋ kallankeeyaata*, a ye meŋ dii ǹ na ka bo niŋ a Kanu Dinkewo la.

Roomankoolu 1:7

Ŋa ñiŋ safee alitolu Alla kanuntewolu bee le ye, a ye mennu kumandi ka ke a la moo senuŋolu ti Rooma saatewo kono. Hiinoo niŋ kayiroo be ali fee ka bo Alla bulu, m̀ Faamaa, aniŋ Maarii Yeesu Kiristu.

Matiyu 17:5

A be diyaamu kaŋ doroŋ, minaayi koyiriŋo fer ye ì muuri. Kumakaŋo naata bo wo minaayoo kono ko, “Ñiŋ ne mu n Kanu Dinkewo ti, n jusoo laata meŋ na kuwo la baake. Ali i lamoyi a la.”

Matiyu 3:17

Bituŋ kumakaŋo naata bo saŋo santo ko, “Ñiŋ ne mu n Kanu Dinkewo ti, n jusoo laata meŋ na kuwo la baake.”

Yeremiya 33:3

“N kumandi, m be i danku la le, m be kuu baalu fo la i ye le mennu be nukundiŋ, i maŋ ì loŋ.

Yesaya 65:24

Janniŋ ì ka kumandiroo ke, m be n danku la le. Niŋ ì be diyaamu kaŋ n ye ì la suula kuwolu la, m be ì la duwaa jaabi la le.

Jabuuroolu 54:1

Hee Alla, n tanka ka bo niŋ i too la, i ye n na boloo dii n na ka bo niŋ i la semboo la.

1 Mansoolu 18:29

Tilibuloo tambita, aduŋ ì tententa ì la kuu mañaraŋ kewo la, fo wulaara sadaaboo* waatoo siita. Bari dankuru maŋ ke, aduŋ moo maŋ jaabiri ke, sako ka i lamoyi ì la.

1 Mansoolu 18:24

Bituŋ ali si ali la jalaŋo too kumandi, aduŋ nte be Yaawe le too kumandi la. Niŋ meŋ-wo-meŋ ye dankuroo ke niŋ dimbaa la, wo le mu Alla ti.” Bituŋ moolu ko, “Haa, wo mu kuu bete le ti!”

2 Samuweli 12:25

Wo daliiloo kamma la, Yaawe ye kumoo kii Annabilayi Natani ye, ka a toolaa Yedidiya la.

2 Musa 15:6

Hee, Yaawe, i bulubaa buloo la sembe waroo! Hee, Yaawe! I bulubaa buloo la semboo le ye i jawoolu bee kasaara.

1 Mansoolu 18:26

Wo le to ì ye ninsoo ñiŋ taa ì ye meŋ samba ì ye naŋ, ì ye a bee parendi. Bituŋ ì ye Baali jalaŋo too kumandi kabiriŋ soomandaa fo tilibuloo. Ì be wuuri la ka a fo ko, “Baali, ntolu danku!” Bari dankuru maŋ ke, aduŋ moo maŋ ì jaabi. Ì tarata i doŋ kaŋ, ì be sawuŋ-sawuŋ kaŋ ka muruŋ-muruŋ sadaabodulaa* la ì ye meŋ dadaa.

Jabuuroolu 57:6

N jawoolu ye jaloo le laa n ñaato, n niyo dewunta n kono le. Ì ye dinkoo le siŋ n na siloo kaŋ, bari ì faŋolu le boyita a kono. S