Jabuuroolu 108:4 - Mandinka Bible

⁴ kaatu i la kanu bambaloo la waroo tambita saŋ fatoolu la le, i la foroyaa futata minaayoolu ma le.

Jabuuroolu 108:4 ပူးပေါင်းရင်းမြစ်များ

Jabuuroolu 36:5

Yaawe*, i la kanu bambaloo la waroo nakita saŋ fatoolu la le, i la tiliŋo futata minaayoolu ma le.

Jabuuroolu 103:11

Saŋ fatoolu be warariŋ santo bankoo kunto ñaameŋ, a la kanu bambaloo be warariŋ moolu ye wo le ñaama, mennu ye a kuliyaa.

Jabuuroolu 89:2

M be a fo la le ko, i la kanu bambaloo loota le ka bambaŋ fo abadaa, aduŋ i la tiliŋo be bambandiŋ ne komeŋ saŋ fatoolu.

Yesaya 55:9

Ko saŋ fatoo be jamfariŋ bankoo la ñaameŋ, n taañaalu be jamfariŋ ali taañaalu la wo le ñaama, n na miiroolu niŋ ali la miiroolu fanaa fatata wo le ñaama.

Jabuuroolu 113:4

Yaawe le be marariŋ duniyaa bankoolu bee ma, aduŋ a la kallankeeyaa* tambita saŋ fatoolu la le.

Jabuuroolu 89:5

Yaawe, Arijana bee ka i jayi i la kaawakuwolu kaŋ ne. I la malaayika kafoo le ka i la tiliŋo laa suukuwo ti.

Jabuuroolu 85:10

Alla la kanu bambaloo niŋ tooñaa be beŋ na le, tiliŋo niŋ kayiroo ye ñoo sumbu.

2 Samuweli 22:50

Hee Yaawe, saayiŋ n ñanta i tentu la bankoolu kaŋ ne, m be jayiri suukuwolu laa la niŋ i too la le.