Jabuuroolu 107:3 - Mandinka Bible

³ A ye doolu murundi naŋ ka bo wandi bankoolu kaŋ, ka bo tilibo niŋ tilijii, aniŋ bulubaa niŋ maraa karoo la.

Jabuuroolu 107:3 ပူးပေါင်းရင်းမြစ်များ

Jabuuroolu 106:47

Hee Yaawe ǹ na Alla, m̀ bondi mutoo kono, ǹ seyindi ka bo banku koteŋolu kaŋ, fo ǹ si i tentu i too la kuliyaa kaŋ, aduŋ ǹ si jusulaa ka i jayi.

Lankenemoo 5:9

Bituŋ ì ye suukuu kutoo laa ko: “Ite le jarita ka kitaabu moromororiŋo taa, aniŋ ka a notoolu teyi. Kaatu ite le kanateyita, i ye moolu kumakaa Alla ye. Ite le yeloo keta kumakaaraŋo ti moolu bee ye, ka bo siyolu bee kono, kaŋolu, bankoolu, aniŋ nasiyoŋolu bee.

Yeremiya 29:14

ali be n je la le. Nte Yaawe le ye a fo, aduŋ m be ali samba la naŋ ne ka bo bankoolu bee kaŋ, ŋa ali janjandi daamennu to. M be ali murundi la ali la firiŋo to le, ka ali murundi dulaa to ŋa ali bondi daameŋ ka ali samba mutoo kono.” Yaawe le ye a fo.

Esekiyeli 39:27

Niŋ ŋa ì bondi naŋ bantala banku moolu bee kono, ka ì murundi naŋ, niŋ ŋa ì kafu ñoo ma ka bo ì jawoolu la bankoolu bee kaŋ, bankoolu bee be a loŋ na le ko, n too jankuta le.

Esekiyeli 36:24

A ko: “M be ali samba la naŋ ka bo wo bantala bankoolu bee kaŋ ne, ka naa ali fansuŋ bankoo kaŋ.

Yeremiya 31:10

“Alitolu bankoolu bee, ali i lamoyi nte Yaawe la kumoo la, aduŋ ali si a kankulaa dulaalu mennu be jamfajaŋo to ko, nte meŋ ye Banisirayila janjandi, m be a kafu la ñoo ma le, ŋa a kanta ko kantarilaa ka a la beeyaŋolu kanta ñaameŋ.

Yeremiya 31:8

A juubee, m be ì bondi la naŋ bankoo meŋ be maraa kara maafaŋo la, ŋa ì kafu naŋ ñoo ma ka bo duniyaa dulaa jamfariŋolu to. Finkintewolu niŋ lanjuurutoolu be tara la ì kono le, konomaatoolu niŋ tintoolu bee, ì kafu jamaa baa le be seyi la naŋ.

5 Musa 30:3

Yaawe be balafaa soto la ali ye le, a ye ali murundi naŋ ka bo bankoolu kaŋ, a ye ali janjandi daamennu to. A be ali firindi la le kotenke.

Esekiyeli 20:34

N na kamfaa waatoo la, m be ali diyaakuyaa bondi la naŋ niŋ m bulu sembemaa baa le la bantala bankoolu bee kaŋ, ali be janjandi daamennu to taariŋ.

Yesaya 56:8

Maarii Yaawe ye Banisirayilankoolu mennu be janjandiŋ kafu ñoo kaŋ ne, a ye ñiŋ ne bankee ko: “Hani saayiŋ, m be doolu kafu la ì kaŋ ne, wolu niŋ ŋa mennu kafu ñoo kaŋ, te kiliŋ na.”

Yesaya 49:12

A juubee, n na moolu be bo la naŋ dulaa jamfariŋolu le to, doolu be bo la naŋ maraa karoo le la, doolu ye bo naŋ tilijii, doolu ye bo fo Asuwani maafaŋo la.”

Yesaya 54:7

Ŋa i fili jee le fo waatindiŋ, bari m be i murundi la naŋ ne, kaatu m balafaata i ye baake le.