Jabuuroolu 106:9 - Mandinka Bible

⁹ A la yaamaroo kaŋ, Kulunjumbe Baa jaata, bituŋ a ye ì tambindi baa teema la banku jaaroo kaŋ.

Jabuuroolu 106:9 ပူးပေါင်းရင်းမြစ်များ

Jabuuroolu 18:15

Fankaasoo duuma, wulumbaŋolu fintita jee, kabiriŋ ite Yaawe ye i jawoolu tindi niŋ i la niijii foñoo la. Duniyaa fondamaŋolu kenseŋyaata, i la dandalaaroo waatoo la.

Nahumu 1:4

A si baa yaamari a ye jaa, a ye boloŋolu bee fanaa jandi, Basani la beeyaŋ daañini dulaa kendoolu ye noro, aniŋ Karimeli yiroolu, Libanooni fiifeŋ firoolu ye jiraŋ.

Yesaya 51:10

Ite le ye fankaasoo jandi, baa diinoŋo bee jaata, i ye taamadulaa ke baa kono duuma, fo moolu mennu kumakaata si tambi noo.

Jabuuroolu 78:13

Alla ye baa fara le ka ì tambindi a teema la. A ye baajiyo moolondi le, a loota komeŋ sansaŋo.

Jabuuroolu 66:6

A ye baa yelemandi banku jaaroo ti le, a la moolu ye boloŋo teyi ì siŋo la. Ǹ seewoota jee le ñiŋ kamma la a ye meŋ ke.

Nehemiya 9:11

I ye baa baa fara i la moolu ye le, ka ì teyindi a kono, banku jaaroo kaŋ. I ye ì bayindilaalu fayi diinoŋñaa kono le, komeŋ berediŋo baajii saŋaroo kono.

Matiyu 8:26

Wo to le a ko ì ye ko, “Ali ka muŋ ne sila? Alitolu moo lanna dooyaariŋolu!” Bituŋ a wulita, a ye foñoo niŋ baa baliŋolu jalayi. Wo to le ì tenkunta tek.

Yesaya 50:2

Fo ali ye a miira le ko, m buloo te sii noo la ka ali kiisa baŋ? Fo wo le ye a tinna, biriŋ n naata ka ali kiisa m maŋ moo tara jee? Fo ali ye a miira le ko, m maŋ sembe soto ka ali kumakaa baŋ? Fo wo le ye a tinna, biriŋ ŋa kumandiroo ke, moo maŋ i danku n na? A juubee, n na jalayiroo ka a tinna le fankaasoo ye jaa, ŋa baalu yelemandi keñewuloo* ti, ñewolu ye faa, ì ye toli, jii sotobaliyaa kamma la.