Jabuuroolu 106:8 - Mandinka Bible

⁸ Hani wo, a ye ì kiisa le a too kamma la, ñiŋ kamma la moolu si a semboo la waroo loŋ.

Jabuuroolu 106:8 ပူးပေါင်းရင်းမြစ်များ

Esekiyeli 20:9

“Bari niŋ ŋa wo ke nuŋ, wo be ke la n ye tookuyaa le ti bankoolu ye mennu be ì dandaŋolu la, kaatu wolu ye a je le ŋa m faŋ yitandi Banisirayilankoolu la ñaameŋ ka ì bondi naŋ Misira bankoo kaŋ.

2 Musa 9:16

Bari ka n semboo yitandi i la, ŋa i bula le i baluuta, fo n na darajoo si janjaŋ noo duniyaa bee kono.

Esekiyeli 20:14

Bari m maŋ naa wo ke, kaatu wo be ke la n ye tookuyaa le ti. Wo bantala bankoolu* bee ye a je le ŋa Banisirayilankoolu bondi naŋ Misira bankoo kaŋ ñaameŋ.

Roomankoolu 9:17

Alla la kumoo be safeeriŋ ne, meŋ fota Firawoona ye ko: “Ka n semboo yitandi, ŋa i mansayandi wo daliiloo le kamma, fo n na darajoo si janjaŋ noo duniyaa bee kono.”

Esekiyeli 20:44

N too la kuwo le be a tinna la n niŋ ali ye janjuŋ. A maŋ ke ali la kuu jawu kewo waraŋ ali la tilimbaliyaa ti. Wo to le alitolu Banisirayilankoolu, ali be a loŋ na ko, nte le mu Yaawe ti. Nte Maarii Yaawe le ye a fo.”

Esekiyeli 20:22

Bari n naata wo baayi le, kaatu wo be ke la n ye tookuyaa le ti. Wo bantala bankoolu bee ye a je le, ŋa Banisirayilankoolu bondi Misira bankoo kaŋ ñaameŋ.

Yeremiya 14:21

I too la kuwo kamma la, kana m̀ muta jutunna moolu ti. Kana maloo naati ñiŋ dulaa kaŋ, daameŋ to mu i la mansasiiraŋ buuñaariŋo ti. I hakili murundi kambeŋo kaŋ i ye meŋ siti ǹ niŋ i teema, i kana a tiñaa.

Yosuwa 7:9

Niŋ Kanaaninkoolu niŋ moo koteŋolu mennu be bankoo kaŋ, ye ñiŋ moyi, ì be naa ñapi la ǹ kaŋ ne, ì ye ǹ toolu buruka duniyaa kono. I be muŋ ne ke la, fo i too la waroo si loŋ?”

2 Musa 15:6

Hee, Yaawe, i bulubaa buloo la sembe waroo! Hee, Yaawe! I bulubaa buloo la semboo le ye i jawoolu bee kasaara.

Yeremiya 14:7

Yahuuda moolu ko, “Ǹ na junuboolu ye jalayiroo laa ǹ kaŋ ñaa-wo-ñaa, Yaawe, kuu ke i too la kuwo kamma la. Ŋà ǹ koo dii i la le siiñaa jamaa, aduŋ ŋà junube kuwo le ke i la.

Jabuuroolu 143:11

Yaawe, i too kamma la, n niyo tankandi. I la tiliŋo kaŋ, m bondi mantooroo kono.

Jabuuroolu 111:6

A ye a semboo yitandi a la moolu la le, ka bo niŋ wandi bankoolu la, a ye mennu dii ì la.

2 Musa 18:8

Musa ye kuwolu bee seyinkaŋ a bitankewo ye, Yaawe ye mennu ke Firawoona niŋ Misirankoolu la Banisirayilankoolu la kuwo kamma la, ì ye bataa kuwolu mennu taki siloo kaŋ, ka taa Yaawe ye ì tanka ñaameŋ.

Yosuwa 4:24

A ye ñiŋ ke daliiloo meŋ kamma, wo le mu ñiŋ ti, duniyaa bee si a loŋ ko, Yaawe le mu Sembetiyo ti, aniŋ ali si sila Yaawe ali la Alla la waatoo bee la.’ ”

1 Samuweli 12:22

Yaawe too la waroo la kuwo kamma la, a te a ñaa kaasi la a la moolu la, kaatu a kontaanita le nuŋ, ka ali ke a faŋo taa ti.

Jabuuroolu 23:3

A ka n niyo bambandi kuu le. A ka n samba sila tilindiŋo le la, a too kamma la.

Yesaya 48:9

N too la kuwo kamma, ye a tinna le ŋa m faŋ muta, m maŋ n na kamfaa yitandi. N na horomoo kamma, m muñata ali ye le, m maŋ ali kasaara.