Jabuuroolu 106:5 - Mandinka Bible

⁵ N jerindi i la tomboŋ moolu la yiriwaa la fo n niŋ ì si seewoo ñoo la, aniŋ ka ŋaañaa i la moolu fee, i fansuŋ moolu.

Jabuuroolu 106:5 ပူးပေါင်းရင်းမြစ်များ

Jabuuroolu 105:43

A ye a la tomboŋ moolu bondi teŋ ne, ì niŋ seewoo niŋ suukuwo.

Efesusinkoolu 1:18

Allamaa ali sondomeñaalu ye maloo soto, fo ali si jikoo loŋ, a ye ali kumandi meŋ kaŋ, aniŋ ali si a la keetaafeŋ kallankeeyaariŋo la waroo loŋ, a ye meŋ soto moo senuŋolu ye.

Yohana 15:16

Alitolu maŋ nte tomboŋ, bari nte le ye alitolu tomboŋ. Ŋa ali tomboŋ ne, fo ali si taa ka diŋ ko yiroo, aduŋ ali la diŋolu si tu jee, ì kana tiñaa. Wo to le, niŋ ali ye m Faamaa daani feŋ-wo-feŋ na nte too la, a be a dii la ali la.

Jakariya 9:9

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

Sefaniya 3:14

Dimmusuriŋ* Siyoni*, denkiloo laa, Banisirayila, sari santo. Dimmusuriŋ Yerusalaamu, kontaani i ye i faŋ niyo seewondi.

Yesaya 66:10

“Ali niŋ Yerusalaamu ye maadiyaa, ali ye seewoo a la kuwo la, alitolu mennu bee ye a kanu. Yerusalaamu la kuwo ye alitolu mennu sunu, ali niŋ a ñanta deŋ na le ka seewoo.

Yesaya 12:6

Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

Jabuuroolu 1:3

Ate ka munta le ko, yiroo meŋ tututa woyoo daala. A ka diŋ a diŋ waatoo la le, aduŋ a jamboolu buka jaa. Ate ye meŋ-wo-meŋ ke, a ka ñaatotaa soto jee le.

Lankenemoo 17:14

Ì be keloo boyi la Saajiiriŋo kaŋ ne, bari Saajiiriŋo be ì noo la le, kaatu ate le mu Maariyolu Maarii ti, aniŋ Mansoolu la Mansa. Aduŋ moolu mennu be a fee, wolu kumandita le, ì tombonta, aduŋ ì foroyaata le.”

2 Tesalonikankoolu 2:13

Bari baadiŋolu, Maariyo ye mennu kanu, a mu ñantoo le ti ntolu ye ka Alla tentu alitolu la kuwo to, kaatu a ye ali tomboŋ ne biriŋ foloodulaa to ka kiisoo soto. Ñiŋ kiisoo naata le, biriŋ Nooroo ye ali seneyandi, aniŋ ali laata tooñaa la.

Filipinkoolu 3:3

Ntolu le mu moolu ti, mennu ye sunna tooñaa soto, baawo ǹ ka Alla batu le ka bo niŋ a la Nooroo la, aduŋ ǹ ka kibiri Kiristu* Yeesu le la kuwo la. M̀ buka ǹ jikoo loo ǹ na hadamadiŋyaa kuwolu kaŋ,

Efesusinkoolu 1:4

Hani janniŋ duniyaa fondamaŋo be loo la, a ye ǹ tomboŋ ate le kono, ka ǹ ke moo senuŋolu ti, mennu maŋ sootaaroo soto a ñaatiliŋo la. Baawo a ye ǹ kanu le,

Yohana 16:22

Wo ñaa kiliŋo la, ali ye niikuyaa le soto saayiŋ, bari m be ali je la le kotenke. Wo to le ali niyo be faa la niŋ seewoo la, aduŋ moo te wo seewoo taa la ali bulu.

Yoweli 2:23

“Siyoni moolu, ali kontaani, ali ye seewoo Yaawe la kuwo la, ali la Alla. A la beteyaa kaŋ, a ye samaajiyo dii ali la, a ye jiyo boŋ ali ye naŋ fo a fuumata, samaa foloo jiyo aniŋ samaa labaŋ jiyo, ko a be nuŋ ñaameŋ.

Yesaya 45:25

Nte Yaawe le be a saabu la, Banisirayilankoolu ye ke moo tilindiŋolu ti, aduŋ ì be n jayi la le.”

Yesaya 35:10

Yaawe ye moolu mennu kumakaa le be muruŋ na Siyoni*, ì niŋ suukuwo le be duŋ na jee, seewoo bambaloo ye tara ì fee. Niikuyaa niŋ niifitiyo be taa le, kontaanoo niŋ seewoo ye ì futufaa.

Jabuuroolu 118:15

Ali seewoo niŋ maakaŋo moyi kuma la Alla la moolu la daakaalu to, kaatu ì ye nooroo ke keloo to le, ì ko: “Yaawe semboo warata le, aduŋ ate le ka nooroo ke.

Jabuuroolu 48:11

Siyoni moolu ye seewoo, Yahuuda saatewolu moolu ye seewoo, kaatu i la kiitiiteyoolu tilinta le.

Jabuuroolu 14:7

M be ñaaniriŋ ne fo kiisoo si bo Banisirayila ye naŋ Siyoni*. Niŋ Yaawe ye a la moolu murundi firiŋo kono, Yaakuba koomalankoolu si seewoo, Banisirayilankoolu bee si jusulaa.

5 Musa 7:6

Ali si a ke ko ŋa a fo ali ye ñaameŋ. Alitolu le mu Yaawe ali la Alla la moo senuŋolu ti. A ye ali tomboŋ duniyaa moolu bee kono le ka ke a faŋo taa ti.

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.

Yankuba 2:5

M baadiŋ kanuntewolu, ali i lamoyi! Fo Alla le maŋ moolu tomboŋ baŋ, mennu fuwaareyaata ñiŋ duniyaa kono, fo ì si fanka lannoo kono, aniŋ ì ye wo mansabaayaa keetaa, a ye meŋ laahidi moolu ye, mennu ye a kanu?

Kiilaalu 9:15

Bari Maariyo ko Ananiyas ye ko, “Taa a kaŋ! Ñiŋ kewo mu n na jooraŋ tombondiŋo le ti, meŋ be n too samba la moolu ye, mennu maŋ ke Yahuudoolu ti, mansoolu ye, aniŋ Banisirayilankoolu.

5 Musa 32:9

Bari Yaawe taa, wo keta a la moolu le ti, Yaakuba koomalankoolu, wolu le mu a niyo ti.

2 Samuweli 20:19

Ntolu le keta kayiramoolu niŋ moo tilindiŋolu ti Banisirayila. I pareeta ka saatewo le kasaara, meŋ keta Banisirayilankoolu baamaa ti. Muŋ ne ye a tinna, i lafita Yaawe* la keetaafeŋo kasaara la?”