Jabuuroolu 106:23 - Mandinka Bible

²³ Bituŋ a naata a fo a be ì kasaara la, bari a la tomboŋ moo Musa le loota a niŋ ì teema, ka a daani, a kana a la kamfaa jindi ì kaŋ ka ì kasaara.

Jabuuroolu 106:23 ပူးပေါင်းရင်းမြစ်များ

5 Musa 9:25

Bituŋ ŋa m fayi duuma, n tarata laariŋ Yaawe ñaatiliŋo la wo tili taŋ naanoo niŋ suuto taŋ naanoo bee la, kaatu ŋa a loŋ ne ko Yaawe pareeta le nuŋ ka ali kasaara.

Yankuba 5:16

Wo kamma la, ali i tuubiseyi ali la junuboolu la ñoo ye, aduŋ ali si duwaa ñoo ye, fo ali si kendeyaa. Moo tilindiŋo la duwaa ye sembe baa le soto.

Esekiyeli 22:30

“Wo to le, n naata moo ñini ì kono meŋ si saatewo tata sansaŋo lookuu, aniŋ ka a faroolu suki, fo meŋ si a tinna n te jee moolu kasaara la. Bari hani moo kiliŋ maŋ soto ì kono meŋ si wo ke.

Matiyu 12:18

“N na dookuulaa fele, ŋa meŋ tomboŋ, n kanuntewo, n niyo seewoota meŋ na kuwo to. M be n na Nooroo jindi la a kaŋ ne, aduŋ a be kiitii tilindiŋo bankee la bankoolu kaŋ ne.

Esekiyeli 20:8

“Bari ì muritita m ma le, ì balanta ka n lamoyi. Hani moo kiliŋ ne maŋ soŋ ka a koo dii Misirankoolu la wo jalaŋolu la, waraŋ ka a la wo batufeŋ haraamuriŋolu fayi, ì ka ì jikoo loo mennu kaŋ ka ì batu. Bituŋ m pareeta ka n na kamfaa bee jindi ì kaŋ naŋ ka ì mantoora Misira bankoo kaŋ.

Esekiyeli 13:5

Wo annabiyomoolu maŋ Banisirayila tata sansaŋo dulaa laamaariŋolu wulindi, waraŋ ka a tatoo faroo suki, fo moolu si tanka noo keloo kono Yaawe la luŋo la.

4 Musa 16:5

Bituŋ a ko Kora niŋ a la kafoo moolu ye ko, “Soomandaa, Yaawe be a yitandi la le jumaa le be ate la karoo la, aniŋ jumaa le be seneyaariŋ, aniŋ jumaa le be ke la moo ti meŋ be ate waliŋ noo la. A be moo meŋ tomboŋ na, a be wo le bula la a ye a waliŋ.

2 Musa 32:32

Dukaree, i si yamfa ke ì la junube kuwolu la, bari niŋ i maŋ soŋ, i si n too bondi i la kitaaboo kono, i ye i la moolu toolu safee daameŋ.”

Yeremiya 5:1

Yaawe* ko: “Ali Yerusalaamu mbeedoolu muruŋ-muruŋ baŋ, ka juubeeroo ke, ali ye i miira. Ali ñinindiroo ke a bantabaalu to, fo ali be moo le je la meŋ ka taama tiliŋo kono, aniŋ ka foroyaa tooñaa kaŋ. Niŋ wo sotota, n si yamfa saatewo ye.

Jabuuroolu 105:26

Bituŋ Yaawe ye a la dookuulaa Musa kii Misira, a niŋ Haaruna, a ye meŋ tomboŋ.

5 Musa 9:19

N silata le, kaatu Yaawe kamfaajawuta ali kamma le, fo a lafita ali kasaara la. Bari Yaawe naata sabari, a ye n na duwaa jaabi kotenke.

Yohana 15:19

Niŋ ali keta duniyaa le taa ti, duniyaa be ali kanu la le ko a fansuŋ taa. Bari ali maŋ ke duniyaa taa ti, kaatu ŋa ali tomboŋ ne ka bo duniyaa kono. Wo le ye a tinna duniyaa ye ali koŋ.

Yohana 15:16

Alitolu maŋ nte tomboŋ, bari nte le ye alitolu tomboŋ. Ŋa ali tomboŋ ne, fo ali si taa ka diŋ ko yiroo, aduŋ ali la diŋolu si tu jee, ì kana tiñaa. Wo to le, niŋ ali ye m Faamaa daani feŋ-wo-feŋ na nte too la, a be a dii la ali la.

5 Musa 10:10

Musa ko ì ye ko: Biriŋ ŋa berewalaa fuloo samba nuŋ konkoo santo siiñaa fulanjaŋo, n tarata konkoo santo le fo tili taŋ naani aniŋ suuto taŋ naani, ko ŋa a ke nuŋ ñaameŋ. Yaawe naata n na duwaa jaabi kotenke, a maŋ naa ali kasaara.

Yuuba 35:8

I la kuruŋyaa kuwo ye i ñoŋolu doroŋ ne toora. I ye kuu kendoo meŋ ke, wo ye hadamadiŋolu doroŋ ne maakoyi.