Jabuuroolu 104:5 - Mandinka Bible

⁵ I ye bankoo londi a fondamaŋolu kaŋ ne, aduŋ a te wutu la a noo to muk.

Jabuuroolu 104:5 ပူးပေါင်းရင်းမြစ်များ

Yuuba 26:7

Ate le ye saŋo wanka alihawaa kono santo, a ye bankoo feenee, a maŋ tara feŋ kaŋ.

Jabuuroolu 24:2

A ye a loo bankoo kono ñaapuuloolu le kaŋ, aduŋ a ye a fondamaŋolu laa fankaasoolu teroo le to.

Jabuuroolu 33:9

Kabiriŋ a kumata, duniyaa daata, a ye yaamaroo dii, feŋo bee fintita.

Jabuuroolu 96:10

Ali a kankulaa duniyaa moolu kono ko, “Yaawe mu Mansa le ti. A ye duniyaa londi le a bambanta, a te wutu la a noo to. A be moolu kiitindi la tiliŋo niŋ tooñaa le la.”

Lankenemoo 20:11

Bituŋ ŋa mansasiiraŋ koyiriŋ baa je, aduŋ saŋo niŋ bankoo yeemanta wo ñaa la, meŋ be siiriŋ a kaŋ. Dulaa maŋ soto ì ye kotenke.

2 Pita 3:10

Bari Maariyo la Luŋo be naa la le ko suŋo. Bituŋ saŋ fatoolu ye yeemaŋ, ì niŋ maakaŋ baa. Feŋolu mennu bee be alihawaa kono, ì be kasaara la niŋ dimbaa le la, aduŋ duniyaa fanaa aniŋ feŋolu bee mennu be a kono, be jani la le.

Jabuuroolu 136:6

Ate le ye bankoo feenee jiyo kaŋ, a la kanu bambaloo be tu la le fo abadaa.

Jabuuroolu 93:1

Yaawe* le mu Mansa ti, a ye semboo niŋ waroo duŋ ne ko mansa dendikoo. A ye duniyaa londi le a bambanta kat, a te wutu la a noo to muk.

Lankenemoo 6:14

Ŋa saŋ fatoolu je yeemaŋ na ko kayitoo, ì ye meŋ moromoro, aduŋ konkoolu niŋ baajooyoolu bee bota ì noolu to.

Kawandilaa 1:4

Jamaanoo le ka taa, jamaanoo ye naa. Duniyaa wo be tu la a ñaama le fo fawu.

1 Samuweli 2:8

A ka fuwaaroolu bondi naŋ suntukuŋo to le, aduŋ a ka fentaŋolu dahandi. A ka ì niŋ mansariŋolu sindi, aduŋ ì ka ke le ko, niŋ ì ye mansa la horomoo le keetaa. Duniyaa la fondamaŋolu keta Yaawe le taa ti, wolu kaŋ a ye duniyaa daa.

Jabuuroolu 119:90

Ite be tu la tilindiŋ ne fo fawu. Ite le ye duniyaa londi, aduŋ a te wutu la a noo to.

Kuma Kotoomaalu 8:29

Kabiriŋ a ye dandulaa dii fankaasoo la, fo baajiyo kana tambi naanewo la, biriŋ a ye duniyaa la fondamaŋo laa,