Jabuuroolu 104:2 - Mandinka Bible

² I ye i faŋ murubeŋ niŋ mala baa le la. Ite le ye saŋ fatoolu wanka ko tiriliisoo*.

Jabuuroolu 104:2 ပူးပေါင်းရင်းမြစ်များ

Yesaya 40:22

A be siiriŋ mansasiiraŋo le kaŋ duniyaa bee santo la, aduŋ moolu ka munta a fee le ko jatatoŋolu. A ye saŋ fatoolu waree le ko ridoo, aduŋ a ka a wanka le ko tiriliisoo*, ka ke sabatidulaa ti.

Daniyeli 7:9

N tarata juubeeroo kaŋ ne, ì ye kiitiisiiraŋolu londi. Alifaa meŋ be keriŋ biriŋ foloodulaa to, siita. A la duŋ feŋolu be koyiriŋ ne ko perekaanoo, a kuntiñoo be koyiriŋ ko kotondi buunaa. A la kiitiisiiraŋo ye sareeti siŋ muluŋolu le soto, aduŋ dimbaa le ka bo a bala.

Yesaya 45:12

Nte le ye duniyaa daa, ŋa hadamadiŋo naati a kono. M faŋo buloo le ye saŋ fatoolu waree, ŋa malafeŋolu ke ì la palaasoolu to.

1 Yohana 1:5

Ñiŋ mu kibaaroo le ti, ntolu ye meŋ soto a Dinkewo bulu, aduŋ ŋà a bankee ali ye le ko, Alla mu maloo le ti, aduŋ diboo te a kono muumeeke.

1 Timoti 6:16

Ate dammaa le buka faa. A be sabatiriŋ mala baa le kono, hadamadiŋo te sutiyaa noo la meŋ na. Moo nene maŋ a je, aduŋ moo nene te a je noo la. Horomoo niŋ semboo be ate le ye, fo abadaa. Amiin.

Matiyu 17:2

A muluŋo naata yelema ì ñaa la jee. A ñaadaa be malamala kaŋ ko tiloo, aduŋ a la duŋ feŋolu be ñeliñeli kaŋ ko maloo.

Jakariya 12:1

Yaawe* la kumoo fele, a ye meŋ lankenemayandi Banisirayila la kuwo to. Yaawe meŋ ye saŋ fatoolu wanka, a ye bankoo daa, a ye niyo duŋ hadamadiŋo la, a ye ñiŋ ne fo ko:

Yuuba 9:8

A doroŋ ne ye saŋo wanka duniyaa kunto, aduŋ ate le si baa baliŋolu semboo mara noo.

Yuuba 36:30

A ka saŋo baloo bee ŋalasindi, bari baa baalu duuma, wolu ka tu dibiriŋ ne.

Habakuki 3:4

A malamalañaa ka muluŋ ne ko tiloo, bammoo fintita naŋ a maafaŋo la, a la mansabaayaa semboo be maaboriŋ daameŋ to.